Premios Mestre Mateo
“Oliveira dos cen anos”, mellor videoclip nos Premios Mestre Mateo
As películas “O corno”, que recolleu 7 galardóns, e “Matria”, con cinco, foron as grandes triunfadoras
![Gael García, Maruxa Magdalena e Andrés Montenegro, acudiron á gala en representación do RC Celta](https://estaticos-cdn.prensaiberica.es/clip/6eb9cc7c-2e69-4d78-96be-e4f2b3faa460_16-9-aspect-ratio_default_0.jpg)
Gael García, Maruxa Magdalena e Andrés Montenegro, acudiron á gala en representación do RC Celta / CASTELEIRO/ROLLER AGENCIA
R. V.
Os Premios Mestre Mateo recoñeceron onte como mellor videoclip a “Oliveira dos cen anos”, o traballo audiovisual de Little Spain para o himno composto por C. Tangana con motivo do centenario do RC Celta de Vigo, nunha gala celebrada no Coliseum da Coruña na que as longametraxes O corno e Matria se erixiron como grandes vencedoras. Ambas películas, sumadas á serie Rapa, partían como favoritas acaparando un total de 42 categorías.
O filme de Jaione Camborda, O corno, foi a obra máis premiada da noite ao facerse con sete galardóns: mellor dirección de arte, mellor maquillaxe e perruquería, mellor son, mellor vestiario e mellor longametraxe. Ademais, a directora alzouse cos premios a mellor dirección e mellor guión.
![C. Tangana y Pedro Feijóo te desgranan "Oliveira dos cen anos” este domingo en Faro](https://estaticos-cdn.prensaiberica.es/clip/37bf5e50-1a72-43d1-8ea7-da41c92fb51b_16-9-aspect-ratio_default_0.jpg)
Pedro Feijoo
Non obstante, Matria quedou pouco por detrás. O equipo desta longametraxe recolleu un total de cinco premios: mellor dirección de fotografía e dirección de produción e fixo pleno nas categorías de interpretación nas que era finalista, con recoñecementos para María Vázquez como mellor interpretación feminina protagonista; Susana Sampedro como mellor interpretación feminina de reparto e Santi Prego como mellor interpretación masculina de reparto.
A serie Rapa foi votada polas académicas e académicos como mellor serie de TV e tamén gañou os premios a mellor montaxe e mellor música orixinal. En canto á ficción seriada, A arte de ser mal pai da produtora Miraveo obtivo o premio á mellor serie web.
A entrega de premios foi presentada por Lidia Veiga e Miguel Canalejo, que estiveron acompañados no escenario por Fillas de Cassandra, encargadas de poñer música ao evento coa colaboración de Mondra e os peliqueiros de Laza.
!['Oliveira dos Cen Anos': el impactante vídeo del himno del centenario del Celta](https://estaticos-cdn.prensaiberica.es/clip/6bc0db9b-d8ff-4c23-a845-16f727744075_16-9-aspect-ratio_default_0.jpg)
R. V.
O actor compostelán Tamar Novas subiu por segundo ano consecutivo para recoller o premio a mellor interpretación masculina protagonista polo seu papel en Salta. Tamén estivo na mesma tesitura a actriz coruñesa Lucía Veiga, quen nesta ocasión foi recoñecida como mellor comunicadora grazas ao seu traballo en Malicia Noticias.
Ademais, Xosé Ramón Gayoso tamén tivo o seu emotivo momento ao entregarlle o premio de honra Fernando Rey a Eva Veiga.
O listado de profesionais galardoados durante estes premios complétase cos nomes de Alba Prol, Raúl García e Jairo Iglesias na categoría de mellor realización polo seu traballo en O Gran Camiño. Grandes Rutas a Pé do Mundo.
Os espazos en branco impúxose na categoría de mellor documental. Mentres que Cos pes na terra acadou o premio a mellor programa e Chama a miña neta foi premiado como mellor anuncio publicitario.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda