A Semana das Letras do IEM ofrece recitais e charlas en Gondomar
Manuel López Rodríguez, Xina Vega, Elba Pedrosa e Teatro do Ar, protagonistas
R.V.
O Instituto de Estudos Miñoráns (IEM) organiza unha Semana das Letras Galegas na aula de cultura Ponte de Rosas de Gondomar que dará comezo o vindeiro luns, 13 de maio, ás 20.00 cun recital do poeta noiés Manuel López Rodríguez, unha das figuras máis destacadas da lírica galega, con 13 libros publicados nos últimos catro anos e ducia e media de premios. O autor nigranés Fran Fernández Davila será o encargado de darlle a réplica con textos dos seus tres poemarios.
O martes 14 ás 20.00 será a quenda da escritora e tradutora Xina Vega, que ofrecerá unha conferencia titulada “E eu mesma me vin mirar-me a min que me miraba. Luisa Villalta ou a extrema autoconciencia”, sobre a autora homenaxeada este ano no Día das Letras.
A xornalista, escritora e actriz miñorá Elba Pedrosa presentará o seu último poemario “DES A MAR ultrasónico” o mércores á mesma hora, acompañada de Fran Fernández Davila en representación do grupo de Promoción do Uso do Galego (PUGA) do IEM.
O grupo nigranés Teatro do Ar fará unha lectura conxunta de “O amor das pedras”, obra do seu director, Pedro Rodríguez Villar, escritor, xornalisa e dramaturgo, pola que gañou o premio Nortear 2022.
- Una bola de luz ilumina el cielo de Galicia: 'Se hizo de día en plena madrugada
- Antonio Resines se rebela contra 'El Hormiguero': "Es un programa vergonzoso en el que se ríen de los invitados
- El rey emérito se da un homenaje en la ría de Vigo: degustó el famoso chuletón de Moaña
- Okupas cambian la cerradura y venden llaves de pisos de Vigo por 3.000 euros
- Isa Pantoja habla de su distanciamiento con Anabel Pantoja: 'Yo ya sabía...
- Las tormentas solares no han hecho más que empezar
- Una furgoneta destroza una cabina del peaje de Vilaboa
- Un joven salta en marcha del coche policial en la A-52 en el traslado de Galicia a Madrid