DEPORTE
O nacemento do Celta Feminino afianza o vínculo entre o club celeste e Mos
A nova sección feminina do RC Celta será o actual UD Mos Feminino
![Alcaldesa edís coas xogadoras. | // FDV](https://estaticos-cdn.prensaiberica.es/clip/e6c29ca8-b05e-4c1a-bcf1-069111b1d971_16-9-aspect-ratio_default_0.jpg)
Alcaldesa edís coas xogadoras. | // FDV / D. P.
D. P.
“Emocionada, ilusionada e sobre todo moi orgullosa das nosas xogadoras da UD Mos”, así se amosaba a alcaldesa Nidia Arévalo no acto de presentación, na Madroa, da nova sección feminina do RC Celta. O equipo feminino celeste, que será o actual UD Mos Feminino, comezará a xogar a próxima tempada en Terceira Federación, máis equipos infantil, cadete e filial.
“Atopámonos ante un feito histórico que, como lembraba a presidenta Marian Mouriño, coincide cando se cumpren 100 anos da unión entre o Fortuna e o Victoria para crear o Celta. Agora, en 2024, a unión histórica ten un marcado carácter feminino”, destacou Nidia Arévalo, quen tamén apuntou que “como alcaldesa de Mos vivo este momento máxico chea de afouteza e corazón ante este proxecto tan ilusionante e ambicioso”.
A alcaldesa insistiu en que “con este novo paso damos continuidade ao forte vínculo establecido entre o Celta e Mos: primeiro coa Cidade Deportiva Afouteza, agora co UD Mos Feminino converténdose no Celta Feminino e sendo As Baloutas canteira do Celta Feminino, en nun futuro próximo co vindeiro Galicia Sports 360”.
Nidia Arévalo cualificou o momento, ademais de “histórico”, como un “soño feito realidade” tanto para o deporte mosense en xeral como para as xogadoras do Mos Feminino en particular. Xa que “o máximo ao que pode aspirar unha futbolista da área metropolitana é a xogar no Celta” dixo a rexedora municipal.
E é que esta é unha gran oportunidade para as xogadoras, tanto no que respecta á súa formación, como na oportunidade de dispoñer dos recursos adecuados para loitar polo seu soño: xogar ao fútbol. Por todo elo as xogadoras da UD Mos están a vivir o novo vínculo co club celeste con enorme emoción, ilusión e orgullo.
Arévalo rematou as súas declaracións cun “sincero agradecemento, un gracias con maiúscula, para o presidente da UD Mos, Pablo Serodio, e para os adestradores das nosas abellas; pola súa xenerosidade infinita a prol do futuro do fútbol feminino de Mos e de toda a Área”.
Ao acto asistiron tamén a concelleira de Deportes, Feli Rodríguez, e demais membros do equipo de goberno local do Concello de Mos.
- Un joven muere en su coche embestido por un Porsche que perseguía la Policía junto a la plaza de abastos de Cangas
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- “Míchel”, un trabajador del mar que regresaba de la nécora
- Accidente mortal en Cangas
- Un nutricionista desvela qué es lo primero que le quita a los pacientes que quieren adelgazar
- Andrea Janeiro vuelve a España y sorprendente a todos con su cambio físico
- El detenido por el accidente mortal en Cangas, trasladado a los calabozos del cuartel de la Guardia Civil