Aparentar ser o que non es a través da ópera
![Os integrantes da compañía Os Barraleiros nunha sesión de ensaio esta semana no instituto. | // D. P.](https://estaticos-cdn.prensaiberica.es/clip/f6806353-93d2-4223-93ae-731a27572be1_16-9-aspect-ratio_default_0.jpg)
Os integrantes da compañía Os Barraleiros nunha sesión de ensaio esta semana no instituto. | // D. P. / d. p.
d. p.
A compañía Os Barraleiros formada por alumnado de 2º da ESO do IES do Barral de Ponteareas está de estrea. Ao longo de todo este curso está a traballar no proxecto LÓVA, un programa educativo interdisciplinar, impulsado polo Teatro Real, que trata de motivar aos estudantes desde o “desenvolvemento emocional, social e cognitivo” para que poidan dar ás a súa imaxinación e descubran tódalas súas capacidades.
LÓVA (La Ópera, un Vehículo de Aprendizaje) consiste en que unha clase se converta nunha compañía que dedica un curso enteiro a crear y estrear a súa propia ópera.
Ao longo destes meses traballaron arreo para deseñar e facer unha peza de ópera, a cal se presentará de xeito público o vindeiro 30 de maio no auditorio Reveriano Soutullo de Ponteareas.
“Durante o proceso aprendemos a convivir e traballar en equipo, organizarnos, tomar decisións de xeito colectivo e coñecernos mellor. LÓVA non é só unha ópera, senón un xeito de facer voar a nosa imaxinación”, indican os propios estudantes.
Traballan divididos por profesións, cadaquén ten as súas tarefas que facer para que a compañía progrese. Estas son produción, rexedoría, comunicación, interpretación, iluminación, composición, caracterización, vestiario e escenografía.
Ata agora estiveron realizando retos colectivos para coñecerse mellor, elixindo o tema da ópera e a estrutura da historia, así como as características e personalidade dos personaxes, “o que non foi unha tarefa doada”. Tamén tiveron charlas con profesionais do mundo da ópera que os axudaron a elixir as profesións.
O tema que centrará a ópera é «Aparentar ser o que non es». Escolleron este porque cren que “na sociedade de hoxe en día hai persoas que non se mostran como son de verdade por medo a non ser aceptadas e a ser xulgadas”.
Feira en Madrid
O pasado mes de marzo, Os Barraleiros viaxaron a Madrid para participar na II Feria de Compañías LÓVA, que se celebrou no Real Teatro de Retiro. Foron un total de 35 compañías LÓVA as que acudiron ao evento, e os pontareáns eran os únicos galegos. Ademais de dispoñer do seu propio stand intercambiaron experiencias e ideas coas demais compañías e realizaron obradoiros de caracterización, escenografía e de teatro.
E uns días antes, celebraron unha reunión na que presentaron LÓVA ás súas familias e o concelleiro de Educación de Ponteareas, pois o proxecto conta co apoio do Concello de Ponteareas, ademais do propio instituto IES do Barral, do Teatro Real de Madrid e da Xunta de Galicia.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda