DEPORTE
Preto de 700 persoas correron pola rúas de Salceda de Caselas
Pequenos e maiores participaron na décima edición da carreira popular “Corre x Salceda”
l. c.
Mulleres e homes de todas as idades, dende cativada, a mozos e adultos, déronse en cita en Salceda de Caselas para disputar a décima edición da carreira popular “Corre x Salceda”.
Foron un total de 695 persoas inscritas as que partiron dende a Praza do Concello para realizar un recorrido de 10, 5 e 2,5 quilómetros en función da categoría, que discorría polas rúas do casco urbano e sendas do municipio.
Agradecementos
Dende o Concello de Salceda de Caselas agradecen ás persoas voluntarias das escolas deportivas municipais, á agrupación local de Protección Civil, á Policía Local, ao Club Ciclista Aragonta, ao Motoclub Tamancas e á propia Concellería de Deportes, aos técnicos de deportes e ao persoal municipal das diferentes áreas, a súa colaboración aportando o seu traballo na coordinación do evento para que todo saíra ben e non se producira ningunha incidencia. Do mesmo xeito, trasladan o agradecemento ás empresas patrocinadoras e colaboradoras do evento, “polo seu apoio ao deporte local e o seu entusiasmo en colaborar con este evento tan importante do calendario deportivo local”.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- Arbomostra volve abrir os días 26, 27 e 28 de abril
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro