Axenda
Patinaxe, monólogo de Cándido Pazó e música coral en Ponteareas
Tres das actividades de lecer propostas para esta fin de semana na Vila do Tea
D.P.
O Concello de Ponteareas informa a súa veciñanza de tres alternativas de lecer moi distintas esta fin de semana.
Patinaxe libre
Mozos e mozas poderán coller os seus patíns e gozar dunha xornada de patinaxe libre, hoxe, a partir das 20.30 horas no pavillón municipal do complexo deportivo Álvaro Pino. O Concello de Ponteareas organiza ao abeiro do programa Mocidade Viva unha nova actividade “coa que buscamos promover o lecer saudábel e alternativo para rapazas e rapaces maiores de 12 anos”, salienta o concelleiro de Mocidade, Miguel Bouzó, unha nova sesión de patinaxe libre. Grazas á colaboración dos clubs locais de hóckey e patinaxe, o Concello habilitará un servizo de préstamo de patíns para aqueles mozos e mozas que non dispoñan duns propios.
Monólogo e música coral
Ponteareas gozará esta noite de risas a esgalla da man do xenio do humor galego Cándido Pazó no Centro Cultural Xinzo ás 20.30 horas. O autor, director de escena, narrador oral e actor actúa ao abeiro do Cultura24, “un programa posto en marcha polo Concello co que dende hai anos tratamos de achegar a actividade cultural a cada recuncho da nosa vila, enchendo de vida e lecer todas as parroquias”, destaca o concelleiro de Cultura, Fernando Groba.
En engadido, no marco do Cultura24, o Centro Cultural de Arcos acollerá mañá, ás 12.30 horas, un concerto de Ars Cantorum, unha coral creada no ano 2005 dirixida polo mestre Javier Alonso e formada por trinta voces mixtas.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda