Formación
Soutomaior fomenta o autocoidado nas mulleres
O CIM organiza un obradoiro de igualdade sexo-afectiva e outro de escrita e narrativas
![Primeira das sesións do obradoiro “A voz das mulleres” que se celebra no multiusos. | // FDV](https://estaticos-cdn.prensaiberica.es/clip/fa8955dd-fc1d-4269-9425-809f9affd0ce_16-9-aspect-ratio_default_0.jpg)
Primeira das sesións do obradoiro “A voz das mulleres” que se celebra no multiusos. | // FDV / l. c.
l. c.
O Centro de Información á Muller (CIM) do Concello de Soutomaior ofrece este mes de setembro dúas actividades dirixidas a mulleres que queiran aprender máis sobre autocoidado para sentirse mellor baixo o programa ‘O meu tempo’.
En primeiro lugar, un obradoiro de igualdade sexo-afectiva que deu comezo o día 8, no multiusos, e que se desenvolve cada xoves, ata o día 29.
Por outra banda, o obradoiro de escrita e narrativas ‘A Voz das Mulleres’, que se celebra no mesmo lugar os mércores 14, 21 e 28. Precisamente “entusiasmo e moi bo ánimo” foron as cualificacións resultantes da primeira das xornadas desta actividade. As participantes no obradoiro puideron na sesión inaugural coñecerse e expor as súas inquietudes de cara ás próximas sesións. A concelleira de Igualdade aproveitou a ocasión para desexarlles sorte cos seus proxectos e agradecerlles a súa participación e interese neste tipo de iniciativas.
Obradoiro de memoria para a terceira idade
Co inicio do curso retomáronse outras moitas actividades e talleres para a veciñanza. Así é o caso do obradoiro de memoria destinado ao sector da poboación máis maior, para o cal xa está aberta a inscrición. A iniciativa pretende funcionar como local de encontro para a terceira idade (de 65 e máis anos), que poderá relacionarse entre si mentres adestran a súa memoria, un exercicio en voga hoxe en día e que demostrou ter resultados moi positivos, apuntan fontes municipais.
O obradoiro, que é completamente gratuíto, terá lugar todos os martes dende 18 de outubro ao 20 de decembro, de 17.00 a 18.30 horas no Centro da Terceira idade de Talo Río.
As inscricións poden realizarse en liña na páxina web https://gabinetesoutomaior.com/ ou nas oficinas do CIM, con prazo ata o día 14 de outubro.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda