A Asociación Cultural San Martín de Tameiga organiza o seu Día d@ Soci@ o vindeiro sábado 23 de xullo en Costoias.
Tratarase dun encontro moi especial no que o público poderá gozar desde exposicións ata demostracións deportivas e musicais, maxia, teatro, xantar e a actuación estrela da fadista portuguesa María do Ceo.
A partir das 10.30 horas haberá mostras de pintura, coiro, das Palilleiras de Mos e exhibicións de zumba e pandereteiras. A Charanga Os Charamujas porán a nota musical ao longo de toda a mañá.
Ás 14.00 horas celebrarase o xantar veciñal e pola tarde actuará o Mago Marco, ás 17.00 horas, e a continuación, ás 18.00 horas, representación teatral a cargo de QUE2.
A parte máis solemne da xornada chegará ás 19.30 horas coa homenaxe aos presidentes anteriores da Asociación Cultural San Martín de Tameiga.
O broche de ouro chegará ás 21.30 horas co concerto de María do Ceo – A Fadista.
