Cultura
Veciños do Rosal recomendan lecturas
Fano a través de vídeos nas redes sociais do Concello e participan tamén na lectura dramatizada de contos para nenos
L. C.
O Rosal continúa conmemorando o mes do libro con novas actividades e coa implicación dos rosaleiros e rosaleiras, que son protagonistas dunha programación especial “coa que convidar a toda a veciñanza a gozar da literatura, da cultura e do lecer para toda a familia, ao tempo que fomentamos o hábito de lectura a calquera idade”, como sinala a alcaldesa, Ánxela Fernández.
Durante toda esta semana, as redes sociais do Concello foron publicando contido variado relacionado coa literatura. Así, membros do Club de Lectura da Mata fixeron as súas propias recomendacións lectoras dun xeito audiovisual único para animar á veciñanza a mergullarse na lectura de distintas obras. Ademais, esta tamén participa na lectura dramatizada de distintos contos, poñéndose diante da cámara e dando voz a historias dirixidas a nenos e nenas.
A programación compleméntase cun vídeo promocional da biblioteca municipal e con outro da libraría co que poder coñecer as últimas novidades lectoras do mercado. Ademais, a alcaldesa fixo entrega dos premios ao bo lector, que recoñece aos usuarios que máis libros colleron durante o último ano, a Yulisa Cividanes Rodríguez, na categoría de infantil; Alex Diego Alonso, na xuvenil e a Luis Machado Rivero, en adulto
Dende o Concello agradecen a colaboración desinteresada de todas as persoas que participan neste proxecto e anima a toda a veciñanza a gozar destas iniciativas culturais
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda