O Concello de Tui, dentro dos actos conmemorativos do Día Internacional contra a Violencia de Xénero, organiza unha marcha ciclista. Será o vindeiro domingo, día 28, ás 12.00 horas, cun percorrido de 7 quilómetros con saída e meta no Paseo da Corredoira.A inscrición pódese realizar no enlace dispoñible en www.tui.gal ata as 23.30 horas do martes 23
Precisamente tamén ata o vindeiro martes poderemos visitar a exposición “Á Violencia de xénero… Dille NON!!” no edificio Francisco Sánchez (Área Panorámica). Trátase dunha mostra gráfica ilustrada dirixida a axudar á mocidade a recoñecer, identificar e rexeitar condutas sexistas ou nocivas nas súas relacións
Nunha decena de láminas a exposición amosa xeitos de exercer a violencia que case sempre lle pasan desapercibidos a quen a sofre.
