mar
A economía azul, a debate en Baiona
Os días 24, 25 e 26 celébrase o Blue Atlantic Forum dedicado á pesca, ao turismo e á biotecnoloxía
![Zona litoral de costa en Baiona. | // MARTA G. BREA](https://estaticos-cdn.prensaiberica.es/clip/c8db47ef-0a6c-4f64-968f-313b49066acf_16-9-aspect-ratio_default_0.jpg)
Zona litoral de costa en Baiona. | // MARTA G. BREA / l. costas
l. costas
Como vila mariñeira que é, e nun momento no que a economía trata de reinventarse, o Concello de Baiona aposta pola economía azul, a que recoñece a importancia dos mares e os océanos como motores da economía polo seu gran potencial para a innovación e o crecemento. “Trátase dun concepto creado recentemente pola Comisión Europea dentro da súa estratexia atlántica, que aposta pola economía marítima como un dos principais impulsores do crecemento do futuro de Europa”, sinala o alcalde Carlos Gómez.
Crear un espazo de cooperación, discusión, formación e difusión sobre a economía azul desde unha perspectiva atlántico-europea é o obxectivo principal do Blue Atlantic Forum (BAF) que se celebrará a vindeira semana en Baiona.
O parador da localidade acolle do mércores 24 ao venres 26 de novembro tres xornadas dedicadas a tres sectores da economía azul de vital importancia para o desenvolvemento sostible de Galicia como é a pesca e a acuicultura, a biotecnoloxía e o turismo.
O foro tratará diversas temáticas transversais aos tres sectores representados, tales como a formación, a financiación, o emprendemento, o cambio climático ou as oportunidades que ofrecen as rías galegas na economía azul. O desenvolvemento económico debe de ser sostible. Por elo, desde Baiona se lle dará especial destaque aos obxectivos de desenvolvemento sostible. Cada unha das partes do programa está dedicada a un destes obxectivos.
Para o alcalde “Baiona ten que superar a fase de vivir de costas ao mar. Agora tamén faremos que a economía mire cara ao Atlántico, cunha nova estratexia de economía azul coa que potenciaremos a creación de empresas e postos de traballo de calidade en diversos sectores. Con esta nova medida abrirase un mar de oportunidades, sumando competitividade económica e sostibilidade ambiental”
Estudo do fondo mariño
Antes de que remate o ano, desde o Concello de Baiona intentarán poñer en marcha un estudo do fondo mariño na praia da Barbeira, que se podería ampliar a todo o litoral do municipio.
O obxectivo é coñecer o seu estado e ver que “comportamentos habería que modificar para coidar a nosa costa e a nosa ría”, informa o alcalde.
Esta iniciativa segue a estela do compromiso do Concello de Baiona coa sostibilidade e por deseñar unha folla ruta a seguir para poder garantila.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda