eurocidade
Vilas de 11 países europeos reúnense en Cerveira-Tomiño
Crear redes de cooperación e boas prácticas en materia transfronteiriza é o obxectivo do encontro que se clausura hoxe
![Inauguración e primeira sesión de traballo, na biblioteca de Cerveira. | // D. P.](https://estaticos-cdn.prensaiberica.es/clip/bc4e9520-86e9-472f-866c-f64bde3b39dd_16-9-aspect-ratio_default_0.jpg)
Inauguración e primeira sesión de traballo, na biblioteca de Cerveira. | // D. P. / l. costas
l. costas
Un encontro internacional no marco do Proxecto BRIDGE, é o que se está a celebrar na Eurocidade Cerveira-Tomiño no que participan municipios de once países europeos co obxectivo principal de crear redes de cooperación en materia transfronteiriza e intercambiar boas prácticas.
O Proxecto BRIDGE, coordinado pola Cámara Municipal de Vila Nova de Cerveira e financiado polo Programa Europa para cidadáns da Unión Europea, integra 11 entidades e municipios transfronteirizos de 11 países, co fin de promover a cidadanía e a cohesión social alén das fronteiras. Así, no proxecto participan, ademais de Tomiño e Cerveira, entidades de Bulgaria, Hungría, Eslovaquia, Eslovenia, Italia, Chipre, Lituania, Letonia e Serbia.
Trala cena inaugural do pasado mércores, as xornadas arrancaron o xoves no auditorio da Biblioteca Municipal de Vila Nova de Cerveira coa sinatura oficial do acordo de colaboración entre todos os socios europeos e coa presentación do proxecto e a de cada un dos socios. No mesmo día tamén se debateu sobre as dificultades de vivir preto da fronteira durante a pandemia sanitaria e se visitou o casco histórico de Cerveira.
Do lado tomiñés, Goián acolleu onte unha das sesións de traballo con conferencias sobre boas prácticas de cooperación transfronteiriza, como as existentes entre universidades galegas e portuguesas ou as desenvolvidas pola AECT Río Minho. Houbo ademais unha intervención na que se abordou o programa europeo de financiamento para investimentos nas rexións transfronteirizas.
A xornada de hoxe comeza a primeira hora da mañá cun debate sobre o Euroescepticismo e a realidade dos territorios con fronteiras e continuará cunha visita libre ao mercado de Cerveira. Xa pola tarde, o programa é máis lúdico coa visita en Viana do Castelo ao casco histórico e á basílica de Santa Luzia.
Proxecto BRIDGE
O BRIDGE prevé diferentes encontros nos que se abordarán temas relacionados coa financiación de programas e oportunidades para promover a cooperación transfronteiriza e europea; os problemas causados pola suspensión do Tratado de Schengen durante a pandemia; iniciativas de cooperación transfronteiriza nas áreas social, cultural, ambiental e de cidadanía ou as dificultades legais que existen na actualidade.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda