A Asociación Trezecatorze coordinou no Concello de Salceda de Caselas a XIV Limpeza Simultánea “Móllate polos Ríos”.
A actuación este ano foi levada a cabo no río Landres e nela participaron un total de 21 persoas voluntarias que se dividiron en dous grupos para abarcar máis recorrido e cumprir con todas as medidas sanitarias da COVID-19.
Estas xornadas de voluntariado ambiental e conciencia social lévanse facendo en Salceda dende anos anteriores, o que se fai notar ano a ano nunha mellor imaxe e coidado dos ríos.
Nesta ocasión retiráronse uns 120 quilos de refugallo.
