axenda
Escape room, clown, meigas e castañas en Arcade
Soutomaior festexa o Samaín o domingo 31
l. c.
Mantendo os criterios de seguridade igual que ata agora, o Concello de Soutomaior retoma a celebración do Samaín. Será o vindeiro domingo, nunha xornada chea de actividades que dará comezo pola mañá con dúas salas “escape room” na que “Imos pasalo de medo!”. O xogo “Escola encantada” está dirixido a nenos de 3 a 6 anos, acompañados dunha persoa adulta e “Circo de medo” para a partir de 7 anos. Ámbolos dous contarán con 4 pases, entre as 11.00 e as 12.50 horas, no mulitusos de Arcade, e será preciso inscribirse en liña, a través da web www.gabinetesoutomaior.com, con prazo ata o xoves 28 de outubro.
Xa pola tarde terá lugar “A gran celebración”, na alameda Talo Río. Ás 17.30 horas haberá clown e improvisación da man de “Charli o inventor de palabras”, ás 18.30 horas tren asador de castañas, con degustación de balde, e ás 19.00 horas espectáculo de danza, lume, acrobacia, música e meigas “Suaren Bataila”.
Libro ou trato
A programación concluirá o mércores, 3 de novembro, co Samaín dos libros “Libro ou trato”. Un obradoiro terrorífico para nenos a partir de 5 anos, no que a través de xogos e contos conmemorarase esta festa celta de fin de verán e inicio de época escura do ano.
Será de 17.30 a 18.30 horas, na biblioteca municipal Luís Seoane, con inscricións en liña ata o día antes.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda