O Concello da Cañiza propón dous espectáculos teatrais, un mañá e outro o sábado 6 de novembro. Para mañá ofrece unha proposta teatral enfocada para o público infantil e familiar e para a xornada do sábado 6 de novembro a suxerecia é unha obra de teatro para público adulto.
Mañá, ás 18.30 horas, o auditorio municipal da Cañiza, na Casa de Cultural, acollerá a obra “Cantando con Pinocho” da compañía Rigoletto Teatro.
O argumento é o da Fada de Cabelos turquesa do conto de Pinocho que contará o conto que enlazará cantado en directo as cancións compostas para a adaptación da obra teatral de Pinocho, que actulmante está de xira por Galicia. Cancións que tratan temáticas como a liberdade, a amizada ou a importancia de perseguir un soño, etc.
Xa en novembro, o sábado 6, a compañía “Fulano, mengano e citano” levará ao escenario a obra “A Louca historia de Galicia”. Será ás 20.30 horas, no auditorio municipal.
En clave de humor, contará a historia de Galicia, desde os celtas aos romanos, ata as máis recentes loitas tribiais libradas nas beiras dos nosos bosques. Son personaxes en busca da súa identidade.
