concertos
Salceda acolle un festival de música de cámara en contornas naturais
A Carballeira da Igrexa en Budiño e a Poza do Cabalo na Picoña son os escenarios das actuacións deste sábado
l. c.
O Concello de Salceda de Caselas e a Banda de Música Cultural de Salceda organizan o I Festival de Música de Cámara. Ao longo deste mes de maio, a agrupación musical estase a desprazar polas diferentes parroquias do municipio para actuar en pequenos grupos de cámara en contornas naturais. Sempre con capacidade limitada e se a meteoroloxía o permite.
Logo de pasar xa por diversos escenarios como o Borralliño en Soutelo, Penedo Redondo en Parderrubias, Agoeiros e o torreiro da Ascensión en Entenza, o percorrido de concertos ao aire libre continúa esta fin de semana. Hoxe sábado, ás 13.00 horas, está prevista unha actuación na Carballeira da Igrexa en Budiño e pola tarde, ás 20.30 horas, outra na Poza do Cabalo, na Picoña. Mañá domingo, será o último dos concertos, ás 20.30 horas, na Carballeira da Laxe, en San Xurxo.
Dende a organización agradecen a colaboración das comunidades de montes para facilitar a celebración desta iniciativa que se enmarca dentro da programación do 17 de maio.
“En galego, agora e sempre”
Un programa, o do Día das Letras Galegas adicado a Xela Arias, que trouxo diferentes eventos e actividades a Salceda de Caselas neste mes e cuxo broche de ouro será o vindeiro sábado, día 29, ás 11.30 horas no cemiterio parroquial de San Xurxo, co acto de sinatura de vontades galeguizadas “En galego, agora e sempre”.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda