medio ambiente
Porriño recicla, supérase e consegue o reto
Como premio da campaña gaña 2.000 euros que doa a Aceesca
![Instalación do contedor amarelo xigante diante do Concello. | // D. P.](https://estaticos-cdn.prensaiberica.es/clip/91a64eba-4581-42ad-a983-d068a3f48b0b_16-9-aspect-ratio_default_0.jpg)
Instalación do contedor amarelo xigante diante do Concello. | // D. P. / l. cOSTAS
l. cOSTAS
O Concello do Porriño foi un dos 15 municipios galegos ao que Xunta e Ecoembes lle propuxo o reto de incrementar nun 10% a reciclaxe dos residuos do contedor amarelo. Conseguiuno e logrou un premio de 2.000 euros que vén de doar á Asociación de apoio a persoas con diversidade intelectual, Aceesca
Durante os meses de febreiro, marzo e abril os veciños do Porriño conseguiron incrementar un 10% a reciclaxe de latas, briks e envases de plástico respecto ao mesmo período do pasado ano. Esta foi a proposta, a modo de reto que a Consellería de Medio Ambiente, Territorio e Vivenda xunto con Ecoembes lles propuxo a unha quincena de municipios galegos estratéxicos.
Porriño uniuse ao reto e para conseguilo leváronse a cabo unha serie de accións de comunicación e actividades coas que se pretendía comprometer á cidadanía na mellora das cifras de reciclado dos residuos depositados no contedor amarelo, como foi, precisamente, a instalación dun colector xigante na Praza Arquitecto Antonio Palacios, diante da casa consistorial, ensinándolle aos veciños como separar correctamente o lixo.
O premio por acadar o obxectivo marcado é unha achega económica de 2.000 euros que os concellos deben doar a unha causa social local e que neste caso particular, por acordo do goberno municipal, serán doados a Aceesca.
Ponteareas e Tui
Os municipios de Ponteareas e Tui foron os outros dous da bisbarra que participaron da campaña e, igualmente, lograron o reto “Recicla e Supérate”. En total, 9 dos 15 municipios participantes este ano cumpriron o reto de aumentar nun 10%, como mínimo, os residuos depositados no contedor amarelo.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda