A Concellería de Educación de Ponteareas manterá aberto ata o 18 de agosto o prazo para solicitar as axudas municipais de apoio ao estudo para o curso 2020/2021, destinadas ao alumnado matriculado en 4º, 5º e 6º de infantil, FP básica, ciclos formativos e bacharalato.
Estas axudas están destinadas ás familias con ingresos limitados que non dispoñan de ningunha outra axuda e contribuirán na adquisición de libros de texto e material escolar.
Como en edicións anteriores, a Concellería de Educación destinará 20.000€ engadindo como beneficiarias nesta convocatoria ás familias que viran a súa economía danada como consecuencia da Covid-19. A gran novidade é que se poderá solicitar o pago anticipado das axudas para que no momento da adquisición dos libros e do material as familias teñan liquidez.
As solicitudes deberán presentarse no rexistro municipal dirixidas á Concelleria de Educación.
