Pandeiretas, gaitas e baile en Carril para render homenaxe a Luísa Villalta
A ofrenda floral xunto ao busto de Rosalía e as actuacións musicais foron ao aire libre pero Xosé Duarte tivo que tocar a cuberto no Gato Negro
![As pandeireteiras durante unha actuación, onte.](https://estaticos-cdn.prensaiberica.es/clip/380933bb-9caf-4d9a-9dc5-62ad8899b823_16-9-aspect-ratio_default_0.jpg)
As pandeireteiras durante unha actuación, onte. / Iñaki Abella
M. López
Dende hai uns anos que o goberno de Vilagarcía decidiu celebrar os actos centrais das Letras Galegas en Carril, localidade na que a escritora referente da literatura galega por antonomasia, Rosalía de Castro, pasou varios veráns. Precisamente aos pés da avenida que leva o seu nome hai un busto da autora. Alí foi onde onte arrancaron os actos organizados pola Concellería de Cultura para render homenaxe a Luísa Villalta (1957-2004).
O alcalde, Alberto Varela, e a concelleira de Cultura, Sonia Outón, presidiron a ofrenda floral realizada xunto ao busto de Rosalía, onde non faltaron as gaitas e o himno tradicional galego como colofón.
![A ofrenda floral xunto ao busto de Rosalía de Castro reuniu a moita xente pese ao mal tempo. | // IÑAKI ABELLA](https://estaticos-cdn.prensaiberica.es/clip/525a4ab2-24f5-498f-a858-5f09e9b8d4c6_alta-libre-aspect-ratio_default_0.jpg)
A ofrenda floral xunto ao busto de Rosalía de Castro reuniu a moita xente pese ao mal tempo. / Iñaki Abella
O Concello contou coa colaboración da Escola Gato Negro e Malveiras, non só neste acto, senón tamén para amenizar o ambiente na Praza da Liberdade, onde distintos grupos tradicionais bailaron unhas pezas ao son de pandeiretas e gaitas.
Aínda que o tempo era inestable, a meirande parte da programación puido celebrarse ao aire libre salvo o concerto de Xosé Duarte, que transcurreu a cuberto, no local do Gato Negro.
Os actos contaron cunha xenerosa afluencia de persoas, que non faltaron á xa tradicional cita das Letras Galegas en Carril na sesión vermú.
![O alcalde, Alberto Varela, e a concelleira de Cultura, Sonia Outón, durante a ofrenda floral. | // IÑAKI ABELLA](https://estaticos-cdn.prensaiberica.es/clip/a120e5e9-2977-4637-b20e-b661e4b24303_alta-libre-aspect-ratio_default_0.jpg)
O alcalde, Alberto Varela, e a concelleira de Cultura, Sonia Outón, durante a ofrenda floral. / Iñaki Abella
Os días previos á efeméride tamén houbo actividade para festexar a lingua e literatura galegas, como por exemplo as actuacións artísticas de escolares de distintos centros educativos o xoves no Auditorio ou a proxección da película “Matria” no Salón García en colaboración co Cineclube Ádega.
Hoxe, exposición na nova biblioteca
A derradeira actividade será unha exposición bibliográfica sobre a homenaxeada nestas Letras 2024, Luísa Villalta, que Alberto Varela e Sonia Outón inaugurarán hoxe na nova biblioteca municipal Rosalía de Castro ás once e media da mañá.
![As pandeireteiras nos actos do Día das Letras Galegas. | // IÑAKI ABELLA](https://estaticos-cdn.prensaiberica.es/clip/bff9cd10-1351-451d-929b-46dd0b632641_alta-libre-aspect-ratio_default_0.jpg)
Público asistindo ás actuacións na Praza da Liberdade. / Iñaki Abella
A mostra contén fondos propios e tamén material cedido temporalmente pola familia do editor da autora homenaxeada.
De feito acompañarán ao alcalde e á concelleira de Cultura as fillas do editor Francisco Pillado, Ana e Elena Pillado.
Suscríbete para seguir leyendo
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda