Vilagarcía abre o concurso de poesía en galego Xaquina Trillo a alumnado de bacharelato de toda Galicia
A entrega de traballos finaliza o día 30 | A dotación económica dos premios medra a 300, 200 e 100 euros
![Xermán Torres e Sonia Outón presentaron a segunda edición do certame, acompañados de Luis González de la Ballina e o secretario da Mesa das Verbas.](https://estaticos-cdn.prensaiberica.es/clip/bc802503-b1e8-4400-afb9-deb7e36c797d_21-9-aspect-ratio_default_1181466.jpg)
Xermán Torres e Sonia Outón presentaron a segunda edición do certame, acompañados de Luis González de la Ballina e o secretario da Mesa das Verbas. / Iñaki Abella
O presidente da Mesa das Verbas, Xermán Torres, a concelleira de Cultura de Vilagarcía, Sonia Outón, e o xerente do Centro Comercial Arousa, Luis González de la Ballina, presentaron onte en Ravella a segunda edición do Concurso de Poesía en Lingua Galega Xaquina Trillo, dirixido este ano ao alumnado de bacharelato de toda Galicia ou incluso de fóra. O único requisito para participar é ser estudante de ensino non obrigatorio e que as obras estean escritas en idioma galego. Os traballos pódense presentar ata o 30 de novembro na urna instalada no primeiro andar do Centro Comercial Arousa ou mediante correo postal.
Premios en metálico e vales compra
Todos os poemas quedarán no máis estrito anonimato a excepción dos tres gañadores, que recibirán 300 euros en metálico o primeiro, 200 o segundo e 100 o terceiro. Ademais esta dotación económica completarase con vales compra no Centro Comercial Arousa. Será de 100 euros para o gañador, de 50 para o segundo e de 25 para o terceiro.
Segundo explicou Xermán Torres, o feito de que este ano o certame conte cun maior apoio (sumouse a Deputación de Pontevedra e a Xunta de Galicia) permitiu incrementar os premios e facer así o concurso máis atractivo. Con todo, na súa primeira edición recibiu preto de trinta obras (nesa ocasión estaba dirixido a alumnado de ESO).
Divulgación dos poemas
O presidente da Mesa das Verbas agradeceu tanto ao Concello de Vilagarcía como ao centro comercial a súa implicación no certame. Anunciou que, ao igual que o ano pasado, os poemas gañadores publicaranse no blog da asociación, na páxina web do Centro Comercial Arousa e tamén na do Concello. Está previsto que cando se publique o seguinte número da revista Anaco tamén inclúa os traballos recoñecidos polo xurado.
Pola súa banda, a concelleira de Cultura sinalou que esta iniciativa trata de pór en valor a figura de Xaquina Trillo, unha muller galeguista que estudou no León XIII e que foi discípula de Aquilino Iglesia Alvariño. “Era moi presumida e elegante”, engadiu Xermán Torres.
A decisión do xurado terá lugar no mes de decembro e a entrega dos premios antes do 28 de febreiro.
Suscríbete para seguir leyendo
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda