Chega o bo tempo e as embarcacións tradicionais de Arousa volven ás augas para deleite de todos coma pezas de museo que son.
Un ano máis, o galeón da ría “Rei do Mar”, da Escola de Navegación Tradicional Dorna de A Illa de Arousa, está xa preparado para a nova tempada, aseguran os seus donos.
Os promotores sinalan que desta volta “a reforma e a posta a punto máis importante foi a reparación dos seus panos principais, que pasa de ter unha vela maior de relinga a unha vela maior "cangrexa”. Expoñen que dita transformación facilitará a maniobrabilidade do “Rei do Mar” e “polo tanto o seu funcionamento como barco escola”.
Os traballos foron feitos polo Taller de Velería de Vilagarcía de Arousa, coa financiación da Deputación de Pontevedra a través da súa liña de subvencións para o mantemento da frota de embarcacións tradicionais.
Por elo, Dorna agradece a continuidade destas liñas de financiamento “para garantir a salvagarda das embarcacións tradicionais, así como o apoio que cada ano nos proporciona o Concello de A Illa de Arousa”.
Estamos moi ilusionados con poder sumar millas aos nosos barcos e incrementar adeptos e defensores da salvagarda do patrimonio que supoñen as embarcacións tradicionais”.
Ainda que as restriccións do COVID seguen a facer mella nestas actividades, Dorna suliña que están “moi ilusionados con poder sumar millas aos nosos barcos e incrementar adeptos e defensores da salvagarda do patrimonio que supoñen as embarcacións tradicionais”.
De ahí que confíen en “poñer proa ao verán no Encontro de embarcacións tradicionais de Galicia que organiza a asociación Culturmar e que este ano terá a sua sede en Moaña entre o 5 e o 8 de agosto se as condicións sanitarias o permiten, expoñen os membros deste colectivo.
