Os "larpeiriños" do futuro pérdenlle o medo á praza

O mercado de Bueu pecha un obradoiro para os máis mozos

23.10.2016 | 03:27
Os nenos posan coa directora xeral e os comerciantes. // G.Núñez

O mercado de abastos de Bueu acolle durante este mes un obradoiro pensado para os máis mozos. Trátase dunha iniciativa para que os nenos adquiran hábitos saudables de alimentación e ao mesmo tempop descubran a praza, con toda a oferta que ten. Onte recibiron a visita da directora xeral de Comercio, que lles entregou os seus diplomas.

Os "larpeiros" do futuro están a prepararse estes días na praza de Bueu. Alí, a asociación de praceiros local e a Federación de Prazas de Abastos de Galicia desenvolven unha actividade denominada "Larpeiriños", que trata de inculcar bos hábitos alimentarios nos máis pequenos e que perdan o medo de achegarse a un mercado tan especial como a praza, coa súa gran oferta de peixe e marisco fresco, entre outros produtos.

Este obradoiro estaba dirixido a nenos e nenas de entre 6 e 12 anos, que onte recibiron unha visita moi especial. A directora xeral de Comercio, Sol Vázquez Abeal, achegouse ata Bueu para facerlles entrega dos diplomas "Larpeiriños". Durante as xornadas nas que se desenvolveu esta iniciativa os mozos aprenderon a cociñar algúns dos recursos que poden atopar na praza, a elexir a mellor materia prima para cociñar e elaborar receitas e, por suposto, a comer de maneira saudable. Trátase da mellor forma de ir botándolle o anzó aos larpeiros e clientes do futuro.

Toda Galicia

Os obradoiros veñen celebrándose dende a pasada primaveira en varias das prazas de abastos de Galicia, como Sanxenxo, Pontevedra, Vilanova de Arousa ou Moaña durante o mes de setembro. Neste mes de outubro foi a quenda de Bueu e do mercado das Conchiñas, na Coruña.

Compartir en Twitter
Compartir en Facebook
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine