Carmelino, o boxeador cangués

18.05.2013 | 00:00

Ata agora, todos pensabamos que o único boxeador coñecido do Morrazo fora Xil Rios, mais un combate celebrado en Cangas o 18 de marzo de 1928, descúbrenos xa a presenza dun púxil cangués chamado José Carmelino. A primeira vez que temos noticia del, foi con motivo dunha velada celebrada o sábado 18 de febreiro de 1928 no salón de Vicente Nogueira, ubicado no Forte. Carmelino, que estaba encadrado nos pesos lixeiros, realizaría desta vez, un combate exhibición de fondo a oito rounds contra o ferrolano Alfredo Docampo. Outros combates celebrados foron entre os "Gallos" Antonio Travel e "Dinamo" e entre Miguel Belgrano "El Argentino" e Lores II. Ademáis, houbo outra exhibicións de pesos pesados entre o mítico Andrés Balsa e Lores "El Grande", apelativo que cremos que o diferenciaba do outro Lores non só en categoría, senón tamén en tamaño. Estes combates de exhibición foron o preámbulo preparatorio do combate que no domingo seguinte se celebraría no mesmo lugar e organizado outra vez polo señor Custodio que supomos sería un empresario ou afeccionado cangués desta disciplina deportiva.
Nesta ocasión, o domingo 28, ás catro da tarde, o antedito local estaba rebordar de xente que animada polos pasodobres da banda local, agardaba impaciente o comezo da velada.
O "Hércules galaico"
Esta vez, o mítico Andrés Balsa, que adoitaba combater en "Las Cabañas" de Vigo, actuaría de referee (árbitro) en todos os combates de Cangas que comezarían co enfrentamento entre os "Plumas" Calver e Antonio e Ángel Bamio contra Suncy. Despois de animar a banda o intermedio, enfrentáronse en exhibición, os pesos pesados Villalón e "Hombre Pequeño", apelativo que con certa retranca facía alusión aos seus noventa quilos de peso. - por fin intervén o "león cangueiro", o "as" de Cangas que se enfrenta nos pesos "Lixeiros" ao salmantino Julio Rivero: Despois dun árduo labor de desgaste nos dous primeiros rounds, Carmelino fai que o salmantino beixe a lona, recibindo unha conta de sete, interrompida polo gong. No terceiro asalto, Rivero xa carece de pegada e o cansazo fai mella no seu corpo e espíritu, mais o gong volve a salvalo desta vez. Comenzado o cuarto round, Carmelino consegue colocarlle ao contrincante un directo ao costado que provoca o K.O. definitivo do púxil salmantino.
O organizador destes combates, José Custodio Costas, ante este éxito de público xa anuncia outra velada en Bueu coa presenza de Carmelino e dos músicos da banda de Cangas que interpretarían bailables.
Os combates contaban coa cesión do campo de futbol de Corredoiras onde xogaba os seus partidos o Bueu Futbol Club e o anuncio do evento tiña despertado grande expectación nesta vila pois era a primeira vez que se celebraba unha velada boxística. Finalmente, e sen coñecerse os motivos, os "matchs" serían suspendidos.
Nos anos seguintes, entre vitorias e derrotas, como a sufrida contra Gurri no Tamberlick de Vigo, Carmelino combatería en Madrid e outras cidades de España, realizando combates tamén en Portugal, Uruguai e Brasil, despois de conseguir no 1931 o título de campeón de Galicia dos pesos "Welter". A pesar deste título, a federación española de boxeo rexeitaría por duas veces ao noso púxil como candidato ao celdro nacional dos pesos "Lixeiros" e ao dos "Welter".
As últimas veces das que temos noticia de José Carmelino foron no ano 1934, combatendo en Lisboa e no 1935 en que seguía aspirando a conseguir o cobizado campionato de España dos pesos "Welter". Sen dúbida, coa chegada da guerra civil, haberían de rematar todas as aspiracións deste campión cangués do boxeo.


Deportes Morrazo

El Cangas sigue su preparación y hoy recibe al Augas Santas

El Cangas sigue su preparación y hoy recibe al Augas Santas

El partido será en O Gatañal, a las 20 h y con entrada gratuita

La media maratón de la Costa da Vela alcanza su tope de 600 inscritos

La media maratón de la Costa da Vela alcanza su tope de 600 inscritos

La carrera será el 17 de septiembre y entre los inscritos están Álvaro Prieto, Roberto Riobó,...

Martín Riobó, en el descenso Red Bull de O Marisquiño

Martín Riobó, en el descenso Red Bull de O Marisquiño

| La ciudad de Vigo estuvo este fin de semana volcada con el festival de O Marisquiño....

El Alondras ficha al central Pablo Salgueiro y al medio centro Michael García

El Alondras ficha al central Pablo Salgueiro y al medio centro Michael García

La presentación oficial del equipo será el viernes en el campo de O Morrazo

Tirán Pereira salva el día con un séptimo puesto

Tirán Pereira salva el día con un séptimo puesto

Ondarroa llegó a superar en el último largo a los moañeses - Victoria para Urdaibai

 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Suscriptor | O Morrazo

Contenido exclusivo para suscriptores digitales
Enlaces recomendados: Premios Cine