14 de noviembre de 2017
14.11.2017
tRIBUNA LIBRE

Caer da burra

14.11.2017 | 03:05
Caer da burra

María Antonieta, esposa de Luís XVI de Francia, tiña por encargada de protocolo a Madame Noailles, que era excesivamente ríxida. Un día, nun paseo polo campo, caeu a raíña da burra en que ía montada e, farta como estaba da súa dama, para ridiculizala, ordenou: "Chamade a madame Noailles para que nos diga o que manda a etiqueta cando cae da burra a raíña de Francia".

O referendo do 1-O, tinguido de dramatismo, foi consecuencia, por un lado, de que hai cuestións non resoltas na organización territorial do Estado que provocan desafección en Cataluña, e, por outro, do ensimesmamento e pasividade do Goberno central, incapaz durante 5 anos de tomar a iniciativa política e buscar os consensos necesarios, delegando a súa responsabilidade nas institucións de xustiza e pensando erradamente que co recurso á forza os problemas desaparecen. Rajoy dixo que a Policía actuou de forma exemplar o día 1 de outubro, pero cargas brutais dos antidisturbios contra persoas concentradas pacificamente para votar deron a volta ao mundo causando estupor e repugnancia. Debería pedir perdón. A crise social, política e institucional que queda é de envergadura, e requirirá tempo e prudencia para resolvela.

Co espazo da política ocupado polo tempo da xustiza, pesando cargos sobre o maior dos Mossos e prisión sobre os presidentes das organizacións soberanistas Òmniun Cultual e a Asemblea Nacional Catalá despois de declarar na AN, nun contexto de fuxida de empresas favorecido polo Executivo, perda de depósitos, conxelación de investimentos, afundimento bolsista, caída do turismo e ameaza de recesión, Puigdemont, constatando a determinación do Goberno de aplicar o artigo 155 da Constitución, renuncia a convocar eleccións anticipadas e opta pola votación simbólica no Parlament da declaración de independencia.

Co apoio do PSOE e de Cidadáns, amparado polo Senado, o Executivo decide entón intervir a autonomía de Cataluña, acordando a destitución de todo o Govern, asumir o control da Administración catalá, incluídos os Mossos, e disolver o Parlament convocando eleccións para o 21 de Nadal. Ao mesmo tempo, o Fiscal Xeral do Estado interpón querela por rebelión, sedición e malversación de fondos públicos contra o president e o seu Govern na Audiencia Nacional, e no Tribunal Supremo contra os membros da Mesa do Parlament. Nun caso dá como resultado prisión cautelar para os membros do Govern, que acoden a declarar, e, noutro, evidenciándose disparidade de criterios, prisión eludible baixo fianza para os membros da Mesa. Pola súa parte, Puigdemont e catro ex-consellers, acolléndose á xustiza belga por considerala con máis garantía, buscan unha confrontación coa de España.

As portas do diálogo e da negociación política están pechadas, e as manifestacións, cazoladas, folgas, concentracións e sentadas de protesta pedindo a liberdade para os presos, xunto con declaracións diversas e actos preelectorais sucédense nun clima de tensión. Probablemente, despois do 21D, cunha composición do Parlament similar á resultante das eleccións de setembro de 2015, con maioría independentista, segundo prognostican as enquisas, estaremos de novo no punto de partida, evidenciándose que non se pode encadear mediante o Código Penal a vontade democrática da cidadanía. A problemas políticos, solucións políticas. Como no caso da raíña de Francia, haberá que recorrer a un mediador protocolario para que diga o que hai que facer cando caen da burra os poderes do Estado, e iniciar así un necesario diálogo que posibilite unha solución axeitada ao problema de Cataluña.

*Veciño da Estrada.

Compartir en Twitter
Compartir en Facebook

Suscriptor | Opinión

Contenido exclusivo para suscriptores digitales

Cangas hace un ´Puigdemont´

En Cangas es pionera en muchas cosas. Fue el primer Concello de España en la historia del...

 
 

ANXEL VENCE

La política del chiste de Eugenio

Eugenio, en su día famoso contador de chistes, exageraba su acento...

 
 

Entre ateneo y festín

Y comimos en LaMari. Fastuosamente, sentenció el ilustre Jose María Peláez dándole un...

 
 

ISABEL CALLE SANTOS*

Desarrollar el potencial humano

El potencial humano se refiere a lo que pueden lograr las personas,...

 
 

VANESSA RODRÍGUEZ

Hechos y palabras

Viajar mucho suele abrir la mente pero parece que hay gente que, aunque sea lo único que...

 
 

ISABEL VICENTE

La cruz de la Sardá

Un gesto contra el independentismo

 
 
Enlaces recomendados: Premios Cine