19 de mayo de 2017
19.05.2017

Sandar feridas

19.05.2017 | 04:55

Esta fin de semana visitei a Illa de San Simón. Sopraba vento do mar, e as árbores esparexían as pingueiras acumuladas polo feble orballo. No maxestuoso paseo dos buxos unha muller achegouse, embargada pola emoción: o seu avó fora represaliado no antigo lazareto, reconvertido no ano 36 en campo de concentración e exterminio, e asasinado nun "paseo" a Pontevedra. Compartir ese momento tan íntimo e dorido da súa vida familiar fíxome pensar nas verbas do portavoz do Goberno, dicindo que non conviña reabrir vellas feridas. Erra o portavoz no diagnóstico, pois non se trata de reabrir feridas, senón de sandalas. Os asasinados nas gabias, e soterrados despois en barrancos e fosas comúns, teñen dereito a descansar no panteón familiar, ao carón dos seus seres queridos. O Val dos Caídos non é o Tal Mahal, un mausoleo adicado ao amor, senón a sepultura non desexada de miles de inocentes e un monumento ao odio, a xenreira, a represión, o fascismo, o nacionalcatolicismo e sí, a tumba de Franco e do franquismo. A nosa sociedade ten madurado: un pódese declarar monárquico ou republicano sen medo a ser represaliado, expresarse na súa lingua nai, e mesmo casar cunha persoa do mesmo sexo, mal que lle pese a algúns. Pero esa é a grandeza da democracia: as maiorías mandan, pero as minorías son respetadas, e mesmo unidas, poden facerse fortes. As feridas cicatrizan, e esa marca serve como lembranza do dano causado, un recordatorio doente para que a historia non se repita. Que descansen en paz os mortos, á fin, e que os vivos atopen o acougo preciso é a nosa responsabilidade, como sociedade madura, plural e democrática.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine