04 de diciembre de 2016

In memorian Juan González, gaiteiro de Castrelos

04.12.2016 | 05:46

Juan Manuel González Alonso naceu un 18 de xuño de 1927 no barrio da Laxe, parroquia viguesa de San Pedro de Sárdoma, e casou con Lucita na parroquia veciña de Castrelos. O seu primeiro contacto coa música xurde non máis alá dos once anos, dunha frauta feita por él mesmo cunha cana.

Pouco tempo despois destes primeiros achegamentos á música o seu pai mercoulle un punteiro, feitos estes que lembraba con especial emoción: "Ter un punteiro por primeira vez nas miñas mans foi algo que non podo describir. ¡Emocionantísimo!. Botei unha semana sen durmir e a miña nai estaba tan farta do ruído que tiven que ensaiar na bodega da casa, onde aprendín as primeiras pezas, sempre de memoria despois de escoitárllelas a un gaiteiro e verlle para os dedos".

De entre os gaiteiros da época, admiraba sobre todo a Daniel, quen formaba parte do grupo "Os Peruchos" de Sárdoma, e que o iniciou no manexo do punteiro xunto a Pepe, "O Moreno", de Lavadores.

Sendo un rapaz de doce anos, acompañado polo tambor do "O Merello", e polo irmán deste ao bombo, conforman o trío "Airiños da Nogueira" en lembraza "daquela inmensa nogueira que nin dez homes eran capaces de rodear cos brazos abertos" e que estaba preto das súas casas na Laxe.

A enfermidade da súa nai, quen non podía aturar o barullo dos ensaios, e o seu noviazgo con Lucita forzan o cambio do lugar de ensaios cara a casa de Manolo en Castrelos; feito este que propiciaría a refundición no ano 1943 do grupo "Airiños do Parque de Castrelos" xunto a Severo Manolo e Crispín.

Contando 21 anos, e coa oposición do seu pai republicano a que tivese carnet da Falanxe, entra a formar parte do grupo "Coros e Danzas", vinculado á Sección Femenina sen afiliación. Con estes fará un amplo percorrido polo estranxeiro, Cuba, Grecia, Oriente Medio, etc?

A partir deste intre a súa traxectoria correrá paralela ao Grupo "Airiños do Parque de Castrelos" e a Escola Municipal de Danza do Concello de Vigo, ámbalas dúas agrupacións baixo a dirección de Wenceslao Cabezas "Polo". Permanecendo en activo ata os últimos anos da súa vida, impartindo clases de forma altruista e impulsando distintas formacións musicais como "Semileiro" e "Os Kilovatios"; sendo nomeado Vigués Distinguido no ano 2006.

Grazas gaiteiro polas túas ensinanzas e sobre todo por ser unha persoa de ben. Non che esqueceremos.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine