06 de agosto de 2016
06.08.2016

Civilizado coma os animais

06.08.2016 | 05:27

O cantante e compositor brasileiro Roberto Carlos regalounos nos anos 70 do século pasado unha marabillosa cantiga titulada "O progreso", na que facía unha crítica sobre o mal que estabamos tratando o planeta e por extensión a nós mesmos. Con esta letra Roberto Carlos expresaba o seu malestar e incomodidade ao sentirse partícipe da forma en que o ser humano non respecta a vida, non respecta ós demais seres vivos e non respecta a natureza.

"Eu non podo aceptar certas cousas que xa non comprendo/ O comercio de armas de guerra de mortes vivindo/ Eu quixera falar de alegría en vez de tristeza pero non son capaz/ Eu quixera ser civilizado coma os animais". Nas catro décadas de vida deste disco, do que se chegaron a vender millóns de copias, non teñen progresado moito as cousas, en moitos casos teñen ido a peor. Algo positivo ten sido o trato con algúns animais, basicamente cos chamados de compañía, en especial cans e gatos.

É sabido que a convivencia cun animal de compañía repórtanos beneficios para a saúde: mellora o benestar psicolóxico, reduce o nivel de estrés, reduce a sensación de soidade, favorece o exercicio físico e as relacións sociais (hai que sacalos a pasear), permítenos poder falar con eles? Todos estes beneficios comportan tamén obrigas básicas: a alimentación, a hixiene, a educación, o ciclo sexual e a esterilización, visitas ao veterinario? Mesmo hai quen se preocupa de comprarlle roupas, xoguetes, levalos á perruquería?

Desde sempre, as persoas tivemos a necesidade de relacionarnos cos animais; outra cousa son os excesos e as frivolidades á hora de adquirir e coidar un animal de compañía. Seguramente influídos por modas consumistas e deshumanizadas moitas veces terminamos mercando unha mascota como se dun obxecto de decoración se tratase. Esta é a razón pola que se explica que 150.000 terminen cada ano abandonados en España.

Na vila onde vivo, en Redondela, excepto un refuxio para animais abandonados (iso é un pouco complicado e pouco vistoso) do resto temos de todo. Este verán habilitamos dúas zonas nas praias de Arealonga e Cesantes para cans e un parque específico equipado de elementos para que os animais poidan xogar, por importe de 10.000 euros. Isto facémolo nun concello rodeado de monte e parques forestais (o 70% do territorio é monte) a dez minutos do centro da vila.

Pois moi ben e con todo o cariño e respecto para os cans: como é posible que fronte ao recente inaugurado parque canino haxa un colexio de educación primaria (o CEP Santa Mariña) no que están matriculados 500 alumnos e non conte cun patio cuberto para o recreo dos nenos? (oito anos levan reclamándoo).

Con todo, eu creo que calquera afeccionado á psicoloxía podería dicirnos que nós ou non fomos ben alimentados de pequenos ou pásanos algo de consideración para unha consulta de especialista.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine