A RAG ‘destapa’ o álbum fotográfico da poeta Pura Vázquez na véspera do seu aniversario
Foi autora dunha vizosa obra bilingüe, en galego e castelán, con máis de 40 títulos
Nada o 31 de marzo de 1918 no seo dunha familia republicana que padeceu a represión do franquismo, a mestra, poeta e narradora ourensá Pura Vázquez foi autora dunha vizosa obra bilingüe, en galego e castelán, que se estende ao longo de máis de corenta títulos e seis décadas de escritura.
O Arquivo da Real Academia Galega (RAG) atesoura nos seus fondos unha serie de fotografías de Pura Vázquez que reflicten as vicisitudes dunha vida marcada pola experiencia da emigración e o compromiso coa literatura.
Co gallo do aniversario da autora, membro correspondente da institución, a Real Academia Galega (RAG) publica na súa páxina de internet unha escolma de imaxes desta colección, que pode consultarse integramente a través de Galiciana-Arquivo Dixital de Galicia.
En total, a colección consta de 67 fotografías procedentes dunha doazón realizada por Luís Alonso Girgado no ano 2006. A mostra constitúe unha sorte de fotobiografía dunha autora de vida itinerante, entre Galicia, Venezuela e Madrid, que foi quen de manter unha longa e intensa actividade creativa en condicións adversas, e de se relacionar estreitamente cos principais círculos intelectuais galeguistas e casteláns do seu tempo.
Temas
Más en Sociedad
-
Las monjas clarisas de un convento de Burgos abandonan la Iglesia Católica
-
Melinda Gates deja la fundación que presidía junto a su exmarido para trabajar en pro de las mujeres
-
Una técnica experimental logra 'leer la mente' y traducir los pensamientos en palabras
-
Un grupo de orcas ataca y hunde un velero en el estrecho de Gibraltar