Oriana Méndez, galardoada co XVIII Premio de Poesía Afundación, recibirá o seu recoñecemento nun acto que terá lugar mañá ás 19.00 horas, na Sede Afundación de Vigo. Na entrega acompañarana o secretario xeral de Cultura, Anxo Lorenzo; o director xerente de Afundación, Pedro Otero, e o presidente do Centro PEN de Galicia, Luís González Tosar. O acto será retransmitido en directo en Afundación TV, facilitando así a posibilidade de seguilo, xa que o acto non poderá ter público.
