O cura lalinense Andrés Ramos, "Hoxe con Manquiña"

A nova entrega do programa dominical "Hoxe con Manquiña" (TVG, 00.10) viaxa ata Lalín para coñecer a un sacerdote que leva xa gran parte da súa vida en Madrid. Trátase de Andrés Ramos Castro, xornalista e capelán dos galegos de Madrid. O programa percorre con este sacerdote os lugares máis importantes da súa infancia e adolescencia en Lalín e revive os momentos que o fixeron converterse no director do voluntariado español. Pensador independente e cun sentido do humor único, este sacerdote conta como foi tomada pola súa familia a decisión de ser sacerdote.