13 de febrero de 2016
13.02.2016

Cultura lanza un concurso de mensaxes de amor con premios tecnolóxicos para os mellores

Un xurado e os internautas elixirán os seis mellores que levarán unha cámara reflex, smartphone o smartwatch, entre outros

13.02.2016 | 20:39

O galego, como lingua, namora. E, para demostralo, a Consellería de Cultura e Educación, a través da Secretaría Xeral de Política Lingüística, entre outros organismos, convoca "Lingua de namorar", un concurso en liña que premia aquelas mensaxes de amor que se escriban en galego e que sexan asinadas por xente nova.

A presentación do certame tivo lugar onte en Santiago de Compostela. Alí, falaron das bases deste concurso que busca, ante todo, animar a empregar o galego entre a mocidade do país.

"Dinamizar o uso da lingua galega entre os mozos e mozas nas súas relacións persoais e nas tecnoloxías da información e da comunicación, nomeadamente, na internet e na mensaxería instantánea. Incrementar a percepción do galego como unha lingua que é útil para os momentosde lecer e de diversión", son os obxectivos, segundo se recolle na propia convocatoria.

Aquelas persoas entre 14 e 35 anos de idade, que o desexen, poden participar e levar algún dos premios. Na categoría A (reservada ós que teñen entre 14 e 19 anos), poden conseguir un smartphone ZTE de 16 xigas se quedan primeiros. Quen recolla a segunda clasificación terá un drone Airis con cámara de vídeo; mentras que o terceiro levará unha torre de son bluetoot de 60 watios para escoitar os seus mp3.

Na categoría B, a dos maiores, o primeiro premio será unha cámara réflex Canon EOS 1200D. O segundo clasificado quedaría cun smartwatch SPC Gold e a terceira persoa do podio conseguirá un disco duro externo Toshiba.

Quen queira participar, terá que rexistrarse na páxina do concurso. O elo é: http://xuventude.xunta.es/linguadenamorar.html. Alí, aparecerá un formulario de inscrición que deberá rechear. Ademais, terá que escribir a mensaxe que ben se pode presentar en prosa ou en poema. A lonxitude máxima é de 350 caracteres, incluídos os espazos en branco. Cada persoa que participe ten a posibilidade de presentarse con dous textos diferentes.

Desde a Consellería de Cultura, aclaran que o xurado, como criterios de avaliación, terá en conta "o grao de elaboración da mensaxe, a orixinalidade e a calidade da lingua". Todas as mensaxes, iso si, deberán ser inéditas. Aquelas que presenten comentarios ou palabras ofensivas ou discriminatorias non terán cabida.

O prazo límite para enviar as mensaxes é o 28 de febreiro. Dende esa data, a xente poderá votar dende o día seguinte ata o 4 de marzo. Para emitir o voto, tamén é mester darse de alta na web. Non obstante, a verba final será do xurado que se xuntará tras rematar as votacións. Elixirá entre as 50 mensaxes con máis apoios. A listaxe cos gañadores sairá publicada o 16 de marzo na web de Xuventude da Xunta. A finais do mes de marzo, haberá ademais unha entrega dos galardóns.

Compartir en Twitter
Compartir en Facebook

Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


Enlaces recomendados: Premios Cine