Un cento de familiares do profesorado e do persoal da Universidade de Santiago (USC) que foron represaliados entre 1936 e 1940 participaron onte na capital galega nunha homenaxe para honrar a memoria destas persoas celebrada no Paraninfo da institución.
En total foron 44 profesores e cinco traballadores da Administración e Servizos os represaliados da USC entre o colectivo que sufriu as consecuencias da onda de violencia e vexacións iniciadas co Golpe de Estado do 36. Dos homenaxeados, só viven Francisco Fernández del Riego e Antonio Ferrín Moreiras, que non pudieron asistir por impedimentos para o desplazamento.
O reitor da USC, Senén Barro, foi o encargado de abrir esta cerimonia "en contra do esquecemento institucional" e de recoñecemento a 70 anos de recordo privado dunha vexación que sufriron os homenaxeados nun acto cheo de emotividade.
A cerimonia asistiu, ademais, a conselleira de Cultura, Anxela Bugallo; e o alcalde de Santiago, Xosé Sánchez Bugallo; entre outros cargos institucionais e representantes das outras dúas universidades galegas.
Tras a entrega das medallas conmemorativas, interveu en representación dos familiares, chegados de varios países, dos represaliados Nuria Calvet, filla do catedrático de Química orgánica da USC Fernando Calvet (1903-1988). O acto incluiu tamén unha homenaxe ao galeguista e intelectual Isaac Díaz Pardo impulsor do rexurdir de Sargadelos.
