13 de septiembre de 2019
13.09.2019

Por fin chega Cantos na Maré

Un festival que atravesa cada vez máis mares coa lingua como nexo de unión

13.09.2019 | 02:06
Actuación da edición pasada de Cantos na Maré. // Gustavo Santos

Comenza o esperado festival internacional con 15 anos de historia e con centos de conexión tecidas por todo o Atlántico. Un evento que considerase singular para unha cidade de referencia como Pontevedra, que acollerá desde hoxe ata o domingo 15 co acto de clausura.

As protagonistas dos espectáculos que terán lugar no Pazo da Cultura serán a caboverdiana Mayra Andrade, que actuará mañán, e Enredadas, o proxecto conxunto de Uxía, Martirio, Carmen París e Ugia Pedreira, que pechará o festival o domingo nun espectáculo ao que se van sumar outras voces da lusofonía.

Neste Cantos na Maré destaca un cartel con forte presenza femenina, mostrase como un punto de encontro e plataforma de lanzamento de artistas, alén de laboratorio de novas propostas creativas como as que se levarán a cabo na Praza da Pedreira. Pero nesta edición o festival pioneiro abrese a novos espazos como o Museo, no que se celebrarán diversas actividades culturais ou na Librería Paz coa presentación de obras literarias.

Sen abandonar a idea primixenia da lingua como conexión de Galicia coa lusofonía, Cantos na Maré dá un paso máis e toma unha nova reorientación. O Festival quere atravesar máis mares, deixarse alumear por máis lúas e espallarse a máis mundos. Coa música como gran nexo, desde a música de raíz ás músicas urbanas pasando polas voces corais e a polifonía, mais sen renunciar a outros contidos como a gastronomía, a narración oral ou a danza. Non só haberá novos contidos senón tamén novos espazos para desenvolver actuacións e accións espallados por toda a cidade de Pontevedra, que se sumarán ao habitual espazo central do Pazo da Cultura, pois pretende ser un festival que promova a descuberta e revalorización do patrimonio da cidade.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


FaroEduca