Unha xornada remarca a pegada de “Sempre en Galiza” na nosa cultura
O Museo acolleu o encontro da Fundación Castelao
![Inauguración da xornada sobre “Sempre en Galiza”. | // RAFA VÁZQUEZ](https://estaticos-cdn.prensaiberica.es/clip/680f6776-0682-4b25-b0dc-48ecf6b18e91_16-9-aspect-ratio_default_0.jpg)
Inauguración da xornada sobre “Sempre en Galiza”. | // RAFA VÁZQUEZ
S. R.
A Fundación Castelao celebrou onte en Pontevedra o 80 aniversario da publicación de “Sempre en Galiza” cunha xornada que remarcou a decisiva importancia desta obra para a nosa cultura.
O vicepresidente da Deputación, Rafa Domínguez, lembrou na inauguración que o manuscrito orixinal “dun dos testemuños mais destacables da actividade de Castelao, no que da voz ao momento que vivía o noso pobo, as súas dores e esperanzas”, conservase no Museo. Tamén lembrou que esta institución cultural “conta con duas salas centradas en Castelao, sen o cal non se entende o pasado século en Galicia nin o propio Museo”.
A xornada incluiu unha conferencia sobre “O retorno da obra de Castelao a Pontevedra”, a cargo da directora do Museo de Pontevedra Ángeles Tilve Jar. A continuación, Xosé Manuel Dasilva, catedrático do departamento de Tradución e Interpretación da Universidade de Vigo afondou nas “Edicións, prohibicións e censuras de Sempre en Galiza” e Natalia Crecente, da Escola Superior de Arte e Deseño Ramón Falcón detívose en “Castelao e a construción dunha tipografía galega”. Finalmente Miguel Anxo Seixas, presidente da Fundación Castelao impartiu a conferencia “De non sempre en Galiza a Sempre en Galiza” e Diana Santiago, secretaria da Fundación Castelao, moderou unha mesa redonda coas persoas que participaron no encontro.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda