A Asociación pola Recuperación da Memoria Histórica de Marín organiza mañá domingo o acto anual no lugar do Pozo da Revolta, en Bagüín, en lembranza e homenaxe ás veciñas e veciños que defenderon a liberdade, como Carmen Pesqueira Domínguez “A Capirota”, Elsa Omil, Antonio Martínez Alfonso, Augusto Alfonso González e Cristóbal Peñín Alonso.
O acto dará comezo ás 13.00 horas e participarán, nesta ocasión, representantes das asociacións de memoria histórica da comarca: Asociación Amigos de Johan Carballeira, de Bueu, a Asociación Memoria Histórica 28 de Agosto, de Cangas, e a Asociación Cultural Irmandade do Dolmen, de Moaña. Haberá actuacións musicais de A Revolta e Os de Marín.
