Caldas de Reis acolle no campo das Corticeiras o II Torneo Intermunicipal de fútbol con once equipos

O campo de fútbol das Corticeiras de Caldas de Reis acolle dende hoxe e ata o domingo o II Torneo Intermunicipal de Fútbol, organizado polos clubs de fútbol de Barro e de Caldas. A final celebrarase o domingo ás 20.00 horas. Neste campionato participan once equipos que foron gañadores dos respectivos torneos interparroquiais. No caso de Caldas participan equipos interxeneracionais das parroquias de Godos, Saiar e Santa María, con deportistas de idades comprendidas entre os 15 e ata máis de 50 anos.