Unha xornada lembra que Galicia ten medio millón de topónimos
O evento, organizado pola RAG, tivo lugar no Museo de Pontevedra
O Museo de Pontevedra acolleu onte a Xornada de Onomástica Galega, organizada pola Real Academia Galega en colaboración coa Deputación provincial.
O presidente da RAG, Xesús Alonso Montero, destacou a importancia de poñer en valor a toponimia e a de impulsar a recollida de microtopónimos. "É dunha riqueza tan extraordinaria que certamente teríamos que facer o esforzo de ofrecer á romanística mundial o elenco de miles e miles de topónimos", salientou. "Se falamos de microtoponimia, hai que pensar que temos rexistrados preto de medio millón, e din os especialistas que son só un terzo dos que se sospeitan que hai en toda a xeografía galega", sinalou.
O programa da xornada contou cun bloque adicado a experiencias de recolleita de microtoponimia en diferentes lugares de Galicia, entre eles as parroquias pontevedresas. Interviron María Abelleira, Xosé Lois Vilar e Anxo Rodríguez.
As experiencias educativas relacionadas coa toponimia foron narradas por Xuliar Marqués e Valentina Formoso, entre outros.
Gonzalo Navaza e Luz Méndez falaron sobre os métodos para detectar topónimos en fontes documentais dixitais galegas, latinas ou castelás, mentres que Vicente Feijoo se centrou o funcionamento da aplicación de recolleita xeorreferenciada. Pecharon a xornada, que se desenvolveu no Museo, Xermán García e Antón Santamarina.
Temas
Más en Pontevedra
-
Cuatro manifestaciones este primero de mayo en Pontevedra entre las 11:30 y las 12:30 horas
-
Santa Clara contará con una entrada por la plaza de Barcelos
-
El Sergas expropiará en Montecelo uno de sus seis “leiraparking” para las 892 plazas de pago
-
El 98,5% de los niños de la ciudad entrará en el colegio en el centro elegido en primera opción