Vigués, xurista e alcalde
Co falecemento de Ventura Pérez Mariño perdemos un prestixioso xurista, un home íntegro e de honor que defendeu as causas xustas desde todas as atalaias desde as que exerceu como home de leis. Desde a súa mocidade, como avogado no franquismo e a transición, como xuíz ou como maxistrado da Audiencia Nacional. Ventura sempre defendeu a xustiza.
Pero con Ventura tamén se nos vai un gran vigués, un home comprometido co seu territorio que se presentou a unhas eleccións municipais e gañou a Alcaldía. Tentou ordenar e poñer en marcha unha forma distinta de entender Vigo pero, desafortunadamente, non lle deixaron. Un pacto entre PP e BNG desaloxouno do goberno local nunha manobra política sen precedentes na cidade. O Bloque, en lugar de apoiar a Ventura, esforzouse para que abandonase o Concello.
Ventura marcou un momento de ruptura política, cun concepto de Vigo ligado ao medio ambiente e á súa visión de cidade. Xerou ilusión cidadá e quizá temor aos seus adversarios, forzas políticas que non dubidaron en asinar un pacto espurio para afastalo da Alcaldía.
Ventura sempre mantivo o seu compromiso coa cidade volvendo impartir xustiza. Seguiu atendendo Vigo como xuíz e como promotor de causas solidarias nas que sempre atopou o apoio deste Concello. Porque as súas causas xustas eran as de toda a cidade.
Vigo perde hoxe a un excelente xurista e a unha excelente persoa. Sei que falo no nome de toda a cidade ao trasladarlle o meu máis sentido pésame á súa familia. Un gran home, un gran vigués e un gran alcalde. Ventura Pérez Mariño.
*Alcalde de Vigo
- Los coches con etiqueta B y C dejarán de circular: ya hay fecha oficial
- María Patiño destapa cuál fue el contenido que se vetó en 'Sálvese quien pueda': "Por respeto
- Aena se pronuncia tras el altercado de Piqué y Clara Chía en el aeropuerto de Madrid
- El vecino de Vigo que se precipitó por una ventana antes de su desahucio pidió un aplazamiento de la deuda
- Adiós a la prohibición de llevar líquidos en los aviones: así podrás viajar ahora
- Cambia el tamaño de las maletas de mano en los aviones: estas serán las nuevas medidas y cuándo entrará en vigor
- Norma Duval habla de su relación con Bertín Osborne tras descubrirse el nombre de su supuesta nueva amante
- La dieta de los 4 días: perfecta para deshinchar el vientre y perder peso fácilmente