Este Nadal a Deputación de Pontevedra impulsa o comercio local no rural co proxecto “Da túa Man”
A implantación e uso das novas tecnoloxías e a promoción da economía circular e o consumo sostible, entre as chaves do novo plan, que se centrará en 11 municipios da provincia
![A Deputación de Pontevedra impulsa o comercio local no rural co proxecto “Da túa Man” este Nadal.](https://estaticos-cdn.prensaiberica.es/clip/8b53eba1-bd0d-4fc7-aef9-153010255615_16-9-discover-aspect-ratio_default_0.jpg)
A Deputación de Pontevedra impulsa o comercio local no rural co proxecto “Da túa Man” este Nadal. / Cedida
O comercio local do rural é un dos grandes esquecidos en Nadal, sobre todo nos municipios de menos de 5.000 habitantes. Por iso, a Deputación de Pontevedra está a realizar numerosas accións para reactivar e impulsar o consumo de produtos locais e o comercio de proximidade nestes territorios.
Baixo o lema “Da túa man”, a Deputación de Pontevedra leva a cabo este proxecto coa finalidade de visibilizar e modernizar o comercio local e rural para adaptalo aos novos hábitos de consumo. Todo iso, a través da implantación e uso das novas tecnoloxías e a promoción da economía circular e o consumo sostible. A execución deste plan céntrase en 11 municipios concretos da provincia de Pontevedra: Agolada, Arbo, Barro, Campo Lameiro, Cuntis, Forcarei, Meis, Mondariz, As Neves, Pontecesures e Rodeiro.
Neste ámbito de actuación, a Deputación de Pontevedra pretende establecer vínculos entre tódolos axentes que forman parte da cadea de valor do comercio local, impulsando unha estratexia común que implique ás comunidades locais, aos concellos dos municipios e á Deputación de Pontevedra. Estas sinerxías teñen como obxectivo principal potenciar os produtos locais, culturais e turísticos destes territorios e favorecer a empregabilidade e permanencia dos seus habitantes.
![A transformación dixital cobra importancia co lanzamento de tres campañas de comunicación en medios dixitais, deseñadas para promocionar o comercio local dos municipios beneficiarios.](https://estaticos-cdn.prensaiberica.es/clip/030efcb4-840f-4a7d-a045-43692b9b4baf_alta-libre-aspect-ratio_default_0.jpg)
A transformación dixital cobra importancia co lanzamento de tres campañas de comunicación en medios dixitais, deseñadas para promocionar o comercio local dos municipios beneficiarios. / Deputación de Pontevedra
Tres eixos de actuación para facer brillar ao comercio local este Nadal 2023
En canto ás accións que se van desenvolver, existen diversos eixos de actuación:
A transformación dixital cobra importancia co lanzamento de tres campañas de comunicación en medios dixitais, deseñadas para promocionar o comercio local dos municipios beneficiarios, facendo fincapé na importancia do consumo de produtos quilómetro 0, a sustentabilidade do comercio de proximidade e a economía circular. Para iso, tamén se contará ca participación de varios influencers galegos para dar unha maior visibilidade aos produtos de calidade destes municipios e á campaña en xeral.
En canto á transformación no punto de venda, realizaranse melloras na accesibilidade da contorna comercial, con prazas de aparcamento para persoas con discapacidade e sinalización con información sobre os comercios locais.
Na mesma liña, poñendo o foco na sustentabilidade, instalaranse illas ecolóxicas para fomentar a reciclaxe e dispositivos especiais para reciclar produtos altamente contaminantes, como pilas ou dispositivos electrónicos. Neste sentido, crearanse e promoveranse novos deseños de embalaxe reutilizable, como alternativa sostible ás bolsas de plástico e papel.
Para comerciantes e consumidores tamén se ofrecerán talleres enfocados a potenciar as súas habilidades dixitais e a fomentar a sustentabilidade e a economía circular no comercio local.
En definitiva, numerosas accións que pretenden facer brillar ao comercio local, sobre todo en datas tan sinaladas como o Nadal.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda