Pérez Tilve presenta en Silleda o seu libro sobre mariscadoras
O Centro Cultural Vista Alegre da Bandeira acolle a posta de largo de “Mulleres de rocha e area” | O evento está aberto ao público
REDACCIÓN
O Centro Cultural Vista Alegre da Bandeira acolle este venres, ás 20.30 horas, a presentación do libro de Teresa Pérez Tilve, Mulleres de rocha e area, publicado por Edicións Fervenza. Este libro, editado por Edicións Fervenza, contou coa colaboración do Concello de Silleda e a secretaría xeral de Política Lingüística da Xunta de Galicia. No acto, que estará aberto ao público ata completar aforo, a autora estará acompañada por Juan Liñares, membro da directiva da Asociación Cultural Vista Alegre, e a concelleira de Cultura do Concello de Silleda, Mónica González.
Mulleres de rocha e area é unha obra xerminada pola curiosidade que espertaba para a autora unha profesión tan antiga como a de mariscadora, máis sendo unha muller de interior. Por iso, cando comezou a pasar longas tempadas en Vilanova de Arousa empezou a valorar a importancia da acuicultura e o esforzo das persoas que dela viven. Foi así como nace esta nova obra, Mulleres de rocha e area, na que a través das súas protagonistas nos fará participes da vida a pé de praia. As protagonistas, Amelia e Verónica, levan una vida despreocupada, vivindo a conta das súas respectivas parellas, ata que un día deciden procurar emprego nunha agrupación de marisqueo a pé, primeiro en Vilanova de Arousa e despois en Carril. A partir dese momento terán ocasión de coñecer a realidade do traballo das persoas que exercen este oficio, maiormente mulleres
María Teresa Pérez Tilve (Xeve, Pontevedra, 1945) é mestra de Ensinanza Primaria e Licenciada en Filoloxía Xermánica pola USC. Conta así mesmo co “Certificate of Proficiency in English”, da Universidade de Cambridge e o Diploma de Estudos Avanzados da USC. Desenvolveu a súa actividade docente durante corenta anos. Primeiro, como mestra de Primaria, en aldeas de Ponte Caldelas, Mondariz e, durante moitos anos, na Escola Padroado SFN, do Colexio María Inmaculada de Silleda. Como profesora de secundaria, ensinou nos IES Ramón María Aller de Lalín e Pintor Colmeiro de Silleda, do que foi directora ata a súa xubilación.
Unha vez xubilada, volveu á universidade, e en 2014 acadou o grao de Doutora en Filoloxía Inglesa pola USC coa tese Reshaping Mirrors: Mothers and Daughters in Contemporary Irish and Galician Women’s Poetry. Este traballo analiza as relacións entre nais e fillas na poesía dalgunhas escritoras irlandesas e galegas contemporáneas.
- El cambio climático trae un tipo inédito de raya a Galicia
- Los mejillones en escabeche caseros con los que no volverás a la conserva
- Velada romántica del piloto de la F1 Lando Norris y Magui Corceiro en Vigo
- Bono Activa Comercio 2024: cómo se solicita y en qué tiendas se puede utilizar
- Mata presuntamente a su cuñado con un arma blanca en plena calle tras una discusión en Vilagarcía
- Saltan las alarmas por lo que se ha escuchado decir a Ángel Cristo en 'Supervivientes': "Por favor, que se ha oído
- La familia real británica se está preparando para el funeral de Carlos III: "Se encuentra realmente muy mal
- La Comisión Europea apunta que la prórroga de la AP-9 se utilizó para encarecer la venta de la autopista