José Manuel Bértolo e o colectivo poético Rompente reciben os Premios San Martiño
O programa radiofónico en lingua galega máis lonxevo, “’Sempre en Galicia’, de Uruguai, leva o galardón a Toda unha vida
L.D.
O xurado dos premios San Martiño de Normalización Lingüística reuniuse o mércores na sala de xuntas municipal para fallar os galardóns da trixésima edición nas súas tres categorías. O galardón A Estrada-Comarca de Tabeirós-Terra de Montes foi para o mestre e historiador José Manuel Bértolo; o Galicia enteira recaeu no colectivo poético Rompente, mentres que o que distingue Toda unha vida agasallou ao programa de radio Sempre en Galicia, de Uruguai.
O acto de entrega dos premios San Martiño de Normalización Lingüística terá lugar nun acto público que se levará a cabo durante a segunda semana de novembro no Teatro Principal da Estrada. Estos premios son convocados anualmente pola Asociación Cultural O Brado da Estrada para recoñecer a persoas e colectivos que destacan polo seu labor de promoción do idioma galego. Estes galardóns veñen repartíndose na Estrada desde o ano 1991.
Na defensa do idioma na comarca de Tabeirós-Terra de Montes, o premio foi parar a mans de José Manuel Bértolo Ballesteros, catedrático de grego e investigador de temas de xenealoxía e heráldica. Bértolo é autor de libros como Pazos e casas fidalgas do Concello da Estrada, ou Fidalguía e heráldica de Terra de Montes, e de artigos en revistas como o Boletín de Estudios de Genealogía, Heráldica y Nobiliaria de Galicia ou A Estrada. Miscelánea Histórica e cultural. Tamén é un asiduo colaborador na edición comarcal de FARO DE VIGO, o que lle valeu para gañar o premio de xornalismo Reimóndez Portela, xunto ao seu amigo Luís Ferro.
O premio no apartado Galicia Enteira é para o colectivo poético Rompente. Baixo este nome agóchase un colectivo de autores de espírito contestatario e politicamente incorrecto que, comandado por Alberto Avendaño, Manolo Romón e Antón Reixa, apostou por levar a poesía á rúa xa nos anos setenta, nunha proposta de vangarda que revolucionou o xénero e entroncou coa movida urbana do país, iniciando a moitos mozos e mozas na lectura da poesía en galego. Recentemente, regresaron á escena literaria cun libro titulado Que hostia din os rumorosos?, que contén poemas dos tres autores.
O galardón a Toda unha vida recaeu no programa radiofónico en lingua galega máis lonxevo. Titulado Sempre en Galicia, o programa foi creado no ano 1950 en Montevideo (Uruguai) da man de emigrantes galegos coma Alfredo Somoza, Manuel Meilán, Lois Tobío, Antón Crestar, Pedro Couceiro, Xesús Canabal, Emilio Pita e Manuel Leiras. O programa vén sendo, ao longo de seis décadas, o nexo de unión entre a Galicia interior e exterior, coa lingua e a cultura galegas coma grandes elementos referenciais.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda