18 de junio de 2008
18.06.2008

Un club en peligro

18.06.2008 | 02:00

Víctor Manuel Fuentes Viaño - Cesantes-Redondela

Que está pasando co baloncesto en Cuntis? Ó Clube de Baloncesto Cuntis-Cafetería Don Manuel, ven de denegárselle a subvención do Concello de Cuntis, e segundo parece, tamén, dende o venres 30 de maio, perderán as dúas horas semanais, que ten o clube para entrenar no pabillón municipal.
Entre os deportistas da cesta e os siareiros hai preocupación, porque o que está en xogo non é só a pervivencia dun clube de amigos nado nos anos oitenta e polo que pasaron varias xeracións de xóvenes cuntienses. O que está en xogo é unha oportunidade das poucas que ten a xuventude cuntiense, de elexir un estilo de vida, baseado no fomento das potencialidades persoais e colectivas, basado nunha vida sá no físico, psíquico e social, alonxado da destrución persoal e social.
A xuventude cuntiense cando acada a edade laboral ten poucas posibilidades de empregarse no seu pobo e parece que a situación se vai recrudecer ata o punto de ter tamén que saír do seu Concello para practicar un dos deportes que máis lles gusta. Que sería de Fran Vázquez se o Concello de Arzúa non apostase polo deporte da cesta?
Parece ser que a práctica do deporte non é electoralmente rendábel, xa que últimamente incluso na ensinanza pretenden sacar horas de ximnaxia, ou deportistas de élite coma David Cal teñen que trasladarse a outras comunidades a entrenar, nun momento donde a cidadanía amósase alarmada polo rumbo que está a tomar a xuventude que practica o botellón, a videoconsola, o sedentarismo, o bandalismo, a drogadicción e en casos amosa desprezo hacia a súa propia vida e a dos demais, por exemplo, facendo ralies ilegais polas estradas. É que a xuventude ten outra alternativa? é que nin a xuventude galega temos dereito a desenrolar as nosas potencialidades?
Despois inténtannos convencer de que "somos unha potencia".
Señores/as responsables do deporte, do ensino e da xuventude, do Concello de Cuntis, deixemos desaparecer o Clube de Baloncesto Cuntis-Cafetería Don Manuel, e logo na nosa casa con tranquilidade e sen remordimento de conciencia, disfrutemos no sofá vendo xogar a Pau Gasol na NBA.
Os cuntienses, como bos galegos, non temos dereito, nin a soñar, nin a demostrar que si se aposta por nós, cunha mínima inversión, aforrámonos moitos disgustos, satisfacemos moitas ilusións, facemos da nosa terra un lugar mellor e formamos mellores persoas para a nosa sociedade.
Esta fin de semana o Clube Cuntiense xogou a fase de ascenso, e así ó encontro celebrado o sábado 31 de maio, en Pontecesures, asistiu un nutrido grupo de siareiros cuntienses, incluso a alcaldesa Fátima Monteagudo. O esforzo dos deportistas do Clube de Baloncesto Cuntis-Cafetería Don Manuel, e os seus siareir@s reportoulles o terceiro posto da liga, demostrando unha vez máis que en Cuntis, o baloncesto é un deporte de interese público.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

Enlaces recomendados: Premios Cine