Medio ambiente
Correos entrega a peregrinos bolsas para a recollida de residuos
Repartíronse nas oficinas de Tui e A Guarda para promover a conservación da ruta Xacobea
![Correos anima a que os peregrinos manteñan limpo o Camiño. | // FDV](https://estaticos-cdn.prensaiberica.es/clip/8a7fed36-3610-4d2d-bd6d-9168b2052ab2_16-9-aspect-ratio_default_0.jpg)
Correos anima a que os peregrinos manteñan limpo o Camiño. | // FDV / l. c.
l. c.
Correos animou na A Guarda e en Tui a que os peregrinos contribúan á conservación medioambiental do Camiño de Santiago. Así, as oficinas de ámbalas dúas localidades do Baixo Miño repartiron bolsas recicladas para que, a medida que realizan as etapas, poidan ir recollendo os plásticos e residuos que se atopen ou xeren.
Esta actividade de Correos coincidiu coa celebración a pasada semana do Día Mundial da Limpeza, un movemento cívico global que cada terceiro sábado de setembro impulsa eventos orientados á limpeza e conservación do medio.
Correos elixiu A Guarda e Tui, puntos de entrada do Camiño Portugués en España, para desenvolver de novo unha acción incluída na súa iniciativa #CaminoSostenible, que pretende contribuír a evitar o deterioro das Rutas Xacobeas, coidar a súa contorna e preservar o seu rico patrimonio persoal, artístico e natural. Con ela, a empresa loxística alíñase de novo cos Obxectivos de Desenvolvemento Sostible das Nacións Unidas (ODS) fixados na Axenda 2030.
Entre as metas ás que se poden sumar os peregrinos desde o Camiño de Santiago están os esforzos para protexer e salvagardar o patrimonio cultural e natural; velar pola conservación, o restablecemento e o uso sostible dos ecosistemas terrestres; protexer e restablecer os ecosistemas relacionados ca auga, incluídos os bosques, as montañas, as zonas húmidas, os ríos, acuíferos e lagos; lograr a xestión sostible e o uso eficiente dos recursos naturais, reducir a xeración de residuos mediante actividades de prevención, redución, reciclado e reutilización ou promover un turismo sostible que xere postos de traballo e promova a cultura e os produtos locais.
Toda a información sobre #CaminoSostenible está dispoñible na web www.elcaminoconcorreos.com
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda