cultura
A biblioteca municipal de Gondomar está de estrea
Modernizáronse os espazos, actualizouse o catálogo e dotouse dun sistema de alarma
![O fondo definitivo cifra un total de 12.000 títulos. | // D. P.](https://estaticos-cdn.prensaiberica.es/clip/bfebe98b-6b00-4b1a-b4e5-f410556f00df_16-9-aspect-ratio_default_0.jpg)
O fondo definitivo cifra un total de 12.000 títulos. | // D. P. / l. costas
l. costas
O espazo de lectura e de préstamo da biblioteca municipal de Gondomar están de novo en marcha e recuperan a súa actividade habitual. Logo de máis dun ano pechada debido, primeiro ao confinamento e despois ás obras de rehabilitación e modernización que culminaron coa construción do ascensor para facilitar o acceso ás persoas con mobilidade reducida, a biblioteca volveu abrir as súas portas o pasado mes de setembro cos seus fondos actualizados e actividade renovada.
As instalacións recuperaron en outubro o seu horario habitual, permanecendo aberta, de luns a venres, de 09.00 a 14.00 horas polas mañás e entre as 17.00 e as 20.00 horas pola tarde, facilitando o acceso tanto ao espazo de lectura como ao servizo de préstamo, así como a diversas actividades que se desenvolverán durante o ano como poden ser as organizadas por Espazo Lectura, entre outras moitas.
Con todo, no tempo que estivo pechada, a actividade non cesou no seu interior xa que se aproveitou para acometer a primeira catalogación de volumes da historia da biblioteca, expurgando un total de 15.000 exemplares deteriorados ou repetidos e actualizando o fondo definitivo de títulos que se cifra en 12.000. Ademais, organizouse o espazo por cores, idades e temáticas para facilitar aos usuarios o acceso aos libros que buscan, de forma máis intuitiva.
Por outra banda, durante este proceso estableceuse un sistema de seguridade para evitar o roubo de libros, dotando aos volumes dun sistema de alarma e un arco de seguridade de control na porta de acceso e saída da biblioteca.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda