Paulino Pereiro (A Coruña, 1957), compositor de música de cámara, orquestral, teatral e cinematográfica, é o autor destes trinta e seis poemas en verso libre que flúen musicais e poderosos, estruturados coma un diario real, datados no tempo e no espazo, escritos durante seis semanas dun verán do norte. O barruzo, esa chuvia pequena e teimuda que semella desaxustar o mundo, e o ruxido como metáfora -e berro- do creador inadaptado, son os dous eixos sobre os que se erguen estes poemas que foron galardoandos co segundo premio do Certame Literario do Concello de Vilalba.
