A tradición do porto de Marín protagoniza un novo capítulo da serie mariñeira "Ribeiras de Salitre"

O episodio número 32 deste programa emítese hoxe ás 15.30 horas na Televisión de Galicia

11.09.2016 | 02:02
Rivadulla Corcón co coleccionista de cunchas Elías García. // Faro

"Ribeiras de Salitre" dedica o seu capítulo 32 a "un dos portos de altura que máis destacan en Galicia", o de Marín, onde tamén se atopa pesca de baixura, cunha Confraría con catrocentos asociados. A serie emítese hoxe ás 15.30 na Televisión de Galicia.

Dentro do porto, Xosé Henrique Rivadulla Corcón, director da serie, visita o Centro de Formación Aixola, onde se forman, entre outros oficios, os carpinteiros de ribeira. Onde falará cun dos profesores do centro Santiago Cancelas e co alumno José Chantada. Os dous amosan o seu entusiasmo porque a carpintería de ribeira siga sendo unha actividade próspera dentro dos oficios que se fan para o mar.

Para saír ao mar as cámaras da serie producida por Celta achéganse ao porto de Aguete, que tamén pertence a Confraría de Marín. Neste porto ten a súa seda a Asociación de Pescadores Chirleu, formada por mariñeiros retirados, e con dous deles, José Valero e Isidro Guimeráns, navegarán nunha dorna que pertence á asociación.

A música neste capítulo ven das tabernas do porto, da man dos Saljariteiros. En Marín existe unha tradición de vello de cantar nas tabernas e a día de hoxe existen varios grupos que se dedican aos cantos de taberna. Un dos máis destacados é precisamente o que cantará para o programa.

Un bo polbo e percebes vaino preparar Manuel Otero e a súa nai Mercedes Gonzalez.E da man de Elías García descubrirase un tesouro: a súa colección de cunchas e curiosidades mariñas, recollidas nas súas travesías como contramestre en barco de Pescanova. García ten unha das máis importantes colección de cunchas de toda Galicia.

Compartir en Twitter
Compartir en Facebook

Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


Enlaces recomendados: Premios Cine