"Violencia Zero" en Marín

A presidenta da Deputación afirma que "nesta provincia loitamos xuntos" para "acabar coa peor lacra que padece a sociedade"

26.12.2016 | 18:17
"Violencia Zero" en Marín

A presidenta da Deputación de Pontevedra, Carmela Silva, acompañada pola alcaldesa de Marín, María Ramallo, e a deputada provincial de Igualdade, Isaura Abelairas, asistiu esta mañá en Marín a unha nova intervención artística do proxecto "Violencia Zero", a segunda edición desta mostra itinerante que xa está a percorrer 25 concellos da provincia ata outubro de 2017 e que quere, a través da cultura, contribuír á loita contra as violencias de xénero que sofren as mulleres. A acción que tivo lugar en Marín chámase "Esfolar un minotauro", unha actuación poético-musical da man de Lucía Aldao, poetisa e compoñente do dúo Aldaolado.
A Presidenta da Deputación, Carmela Silva, asegurou que "estamos loitando contra a peor lacra social que padece a sociedade, que é o asasinato de mulleres e as múltiples violencias machistas que sufrimos". Violencias como, entre outras, "sermos esterotipadas nos medios de comunicación, cobrar un 24% menos realizando as mesmas actividades ca un home, sufrir vexacións pola rúa en forma de palabras que non temos por que soportar, o feito de ter que ter coidado ao ir pola noite soas, que se atrevan a dicirnos o que non debemos facer para sufrir violencia, unha linguaxe que nos invisibiliza, vivir no século XXI sendo o 60% das persoas que se gradúan, sendo o 60% do talento, pero seguir a ser invisibilizadas, a infrarrepresentación nos ámbitos xudiciais, de goberno, nos órganos de decisión das grandes empresas nos altos cargos, ou a nivel público seguimos a ser unha porcentaxe moi por debaixo do 50% en deputadas, alcaldesas, concelleiras, senadoras, mentres que somos máis do 50% da poboación", asegurou Carmela Silva.
"Pero o peor é que centos de mulleres sofren maltrato físico e, o máis grave de todo, que moitas son asasinadas", sinalou a Presidenta provincial, que lembrou que "este ano levamos xa 51, tres delas galegas, das que 44 están recoñecidas e outras sete sendo investigadas". Esta cifra ascende"nos últimos 10 anos a máis de 800 mulleres asasinadas, que son moitas máis mulleres que as persoas que sufriron o terrorismo do Estado,pero son noticia dun día que remata e ninguén se lembra delas", lembrou a Presidenta provincial.
Por esta razón, sinalou Carmela Silva, o proxecto "Violencia Zero" se ampliou este ano para ofrecer "365 días de rabia conxunta, de alzamento da nosa voz para denunciar estas violencias machistas e que todas e todos nolo tomemos en serio e loitemos xuntas e xuntos". A alcaldesa de Marín, María Ramallo, asegurou que "se non estamos unidas e unidos seremos incapaces de pórlle fin.Toda axuda é pouca e por iso este proxecto nos pareceu tremendamente positivo. Todas as persoas, de calquera lugar, nacionalidade e ideoloxía temos que pórlle freo saíndo á rúa e removendo conciencias". Carmela Silva agradeceu á alcaldesa e á corporación municipal de Marín "por formar parte deste proxecto conxunto da sociedade que non ten protagonismo, senón denuncias".
"Esfolar un minotauro"
A actuaciónde Lucía Aldao consistiu nunha acción poético-musical, "Esfolar un minotauro", que chamou a atención sobre "dicir cruamente as verdades para acabar dunha forma máis alegre". A artista resume a súa intervención como "esfolar a sombra, a escuridade, o mínimo crime e o costume viciado. Sospeitar da existencia dun dano pequeno que provoca un dano grande. Hai algo cativo en nós que nos fai cárcere de dor. Abrazar a sombra, arrincarlle a pel para ver se hai luz". A súa intervención, como lembrou a Presidenta, "culminará cun vídeo itinerante para que toda a sociedade tome conciencia de que nesta provincia a Deputación e os concellos traballamos da man para acabar coa violencia machista" e agradeceu "ás 25 mulleres artistas que visibilizan cantas mulleres creativas de altísimo nivel temos na provincia e en Galicia, mulleres con rostro e con nome pero sobre todo con moito talento que poñen á disposición da causa máis xusta que hai".
A segunda edición de "Mulleres en Acción. Violencia Zero" amplíase este ano a 25 accións en 25 concellos, en homenaxe ao 25 de novembro. As accións desenvólvense a razón de dúas ao mes, de novembro a outubro de 2017, e culminarán cunha acción final en novembro de 2017. Os concellos que acollerán o proxecto tras Marín son Tomiño, Nigrán, Vila de Cruces, Cambados, Ponteareas, O Porriño, Cuntis, Bueu, Salvaterra de Miño, O Grove, A Guarda, Soutomaior, Poio, Baiona, Caldas de Reis, Vilagarcía, Cangas, A Estrada, Silleda, Salceda, Meaño e Tui.

Compartir en Twitter
Compartir en Facebook

Deportes Pontevedra

Iván Martín, con el balón, en el primer entrenamiento. // Rafa Vázquez
Un favorito renovado para empezar

Un favorito renovado para empezar

El Celta B, uno de los tres equipos que arrasaron en el Grupo I la temporada pasada, ha sufrido...

La SD Teucro debuta en casa

La SD Teucro debuta en casa

Los azules juegan hoy en el Municipal (20.30 h) ante el Braga

Iván Martín, refuerzo para el ataque

Iván Martín, refuerzo para el ataque

El Pontevedra firma al delantero, que ocupa ficha Sub23, y deja la ficha senior disponible para...

El Ofisgón cambia Moaña por Marín

El Ofisgón cambia Moaña por Marín

El equipo que milita en la segunda nacional ha fijado su sede en el colegio San Narciso

Marín se enorgullece de sus taekwondistas

Marín se enorgullece de sus taekwondistas

El Ayuntamiento de Marín, con su alcaldesa María Ramallo al frente, recibió...

El Pontevedra ficha al delantero Iván Martín

El Pontevedra ficha al delantero Iván Martín

Los granates refuerzan el ataque antes de comenzar la temporada y dejan una ficha senior...

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 
Enlaces recomendados: Premios Cine