| A edición deste 2016 do certame musical "Ben veñas, Maio" xa ten gañadores. Os premios foron entregados onte nun acto que tivo lugar no Pazo da Cultura. O grupo Stock, do IES Luis Seoane, quedou co primeiro posto, mentres que a segunda e a terceira posicións foron para Faísca, da Xunqueira II, e Sofía Contes, do IES Sánchez Cantón, respectivamente. Ademais dos gañadores, participaron os grupos Trío sen nome, Os Canis da Patagonia, Pan Mollado e The Nowhermans. No certame musical os premios foron de 400, 350 e 150 euros para os tres primeiros grupos. O xurado estivo composto por profesoras e profesores dos centros de Secundaria públicos de Pontevedra.
