Premio Galiza Mártir a título póstumo para Francisco Carballo

Cidadáns, organizacións políticas, fundacións e asociacións pola recuperación da memoria histórica e a defensa dos dereitos humanos conmemoran o Día da Galiza Mártir

18.08.2015 | 02:39

"Non é a tristura e as bágoas o que marca este acto, é o orgullo que nos enche". O presidente da Fundación Alexandre Bóveda, Uxío Breogán Diéguez, explicaba así o espírito do Día da Galiza Mártir 2015, unha celebración especial, a primeira despois de que o Ministerio de Xustiza recoñecese a inxusta morte do galeguista, e na que por primeira vez participou oficialmente a Diputación. Con ela, os concellos de Poio e Pontevedra, fundacións e asociacións que loitan pola memoria histórica e os dereitos humanos. O monumento na Caeira, o cemiterio de San Amaro e o casco vello de Pontevedra foron os escenarios dos actos.

O historiador Francisco Carballo, que traballou arreo para difundir a historia de Galicia e que loitou pola transformación social do país, recibiu onte a título póstumo o décimo Premio Galiza Mártir.

A entrega celebrouse no almorzo de confraternidade que deu paso ás homenaxes no cemiterio de San Amaro, onde o líder de Anova, Xosé Manuel Beiras, participou na ofrenda floral.

Posteriormente celebrouse un acto político na praza de Curros Enríquez co que se despediron as celebracións, nas que o líder do BNG, Xavier Vence, solicitou unha vez máis a institucionalización do Día da Galiza Mártir a xeito de "recoñecemento e reparación moral de todos os asasinados tanto na guerra como posteriormente". Lamentou que esta institucionalización que "levamos anos propoñendo no Parlamento por culpa do Partido Popular aínda non pudo levarse á efecto, é unha reparación necesaria dos que loitaron pola democracia e pagarono coa súa vida".

Compartir en Twitter
Compartir en Facebook

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 
Enlaces recomendados: Premios Cine