A festa dos nenos que queren medrar en galego

O mal tempo obligou á organización a suspender a marcha e trasladar a festa ó recinto feiral

07.05.2013 | 07:34
Algúns dos nenos asistentes, onte, á festa de Correlingua. // Gustavo Santos
Algúns dos nenos asistentes, onte, á festa de Correlingua. // Gustavo Santos

Por mor do mal tempo, la marcha polo galego Correlingua trasladouse onte ó recinto feiral, no que se celebrou a festa baixo o lema "Galego, a chave do mundo".

"As previsións indicaban que non habería chuvia, pero cando chegamos á Ferraría, onde ía empezar a marcha, xa orballaba", indica a organización, que optou pola suspensión da carreira, por mor especialmente dos máis pequenos.

O actor Pepe Penabade encargouse de conducir a festa, na que tamén se leu o manifesto gañador do Correlingua.

A lectura correu a cargo dos alumnos do IES de Ponte Caldelas e á mesma seguiu a actuación musical de Balbina, gañadora do concurso Cantalingua.

Máis de mil nenos, alumnos de centros educativos da comarca, participaron no encontro, que contou con animación musical, malabares o dragón de Art Monium.

Un ano máis, a festa foi unha proposta de carácter lúdico e tamén educativo para convidar ós nenos a reivindicar o seu dereito a medrar en galego e tamén a empregar o noso idioma.

Todos os centros escolares participantes (un total de 15 colexios e institutos) recibiron como agasallo un lote de libros doados polas librarías e editoras da cidade de Pontevedra. O remate final foi a solta de globos xigantes: cada centro encheu un dun metro de diámetro, nun símbolo de que o Correlingua continúa por outras comarcas galegas. A vindeira será Monforte.

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

 
Enlaces recomendados: Premios Cine